गोरखा समाचारदाता
गोरखा – जिल्लाको आरुघाट गाउँपालिकाले निजि स्रोतका शिक्षकको तबल तोकेको छ ।
गाउँसभाले कार्य विधि नै बनाएर एक रुपता ल्याउने गरी शिक्षकहरुको सेवा सुबिधा निर्धारण गरेको हो । ‘हाम्रो गाउँपालिका भित्र ३९ जना निजि स्रोतका शिक्षक हुनुहुँदो रहेछ’ गाउँपालिका अध्यक्ष पूर्णबहादुर दाहालले भने ‘एउटै तहको शिक्षकको पनि कुनै विद्यालयमा बढि कुनै कम तलब दिने गरिएको रहेछ, कतिपय ठाउँमा हामीले दिएको अनुदानको समेत दुरुपयोग भएको हो की भन्ने आशंका भयोे, त्यसैले एक रुपकता ल्याउन खोजिएको हो ।’
प्राबि तहको शिक्षकलाई १४ हजार, निमा वितहको लागि १६ हजार,माबि तहकालागि २२ हजार र प्लस टु पढाउने शिक्षकलाई २५ हजार तबल निर्धारण गरिएको छ ।
यसैगरी विद्यालयका अन्य कर्मचारीलाई संघिय सरकारबाट सर्सत अनुदान पाउने रकममा केही रकम थप गरिएको छ । इसिडिका शिक्षकलाई ५ हजार, विद्यालय सहयोगीलाई २ हजार र लेखापाललाई ३ हजार ५ सय थप गरिएको उनले बताए ।
‘शिक्षा शाखामा कर्मचारी नहुँदा हामीले यसलाई व्यवस्थित गर्न सकेका थिएनौं’ उनले भने ‘अहिले एक जना माध्यामिक तहको शिक्षकलाई शाखाको कर्मचारी बनाएर काम अगाडी बढाएका छौं ।’ योसँगै विद्यालय मर्ज र दरबन्दी मिलानको काम पनि सुरु भएको छ ।
शिक्षामा दिइएको अनुदानको सही सदुपयोग गर्दै शैक्षिक गुणस्तर अभिवृद्धि गर्न उक्त योजना अघि सारिएको आरुघाट गाउँपालिकाले जानकारी दिएको छ । ‘अब हामी निजि स्रोतमा रहेका शिक्षकको संख्या पनि बिस्तारै घटाउदै लैजान्छौं’ उनले भने ‘विद्यार्थी भएको ठाउँमा शिक्षक छैनन्, शिक्षक भएको ठाउँमा विद्यार्थी कम छन्, राज्यको ठूलो लगानी यसै खेर गइरहेको छ, यसलाई रोक्नु पर्छ ।’
हरेक २ किलोमिटर एउटा विद्यालय सञ्चालन गर्ने र अपायक पर्ने विद्यार्थीलाई लक्षित गरी आवासिय विद्यालय बनाउने सम्मका योजना रहेको उनले बताए ।
