गोरखा समाचारदाता
गोरखा – सर्व साधारण यात्रुहरुको सहयोगको लागि गोरखा सदरमुकाममा नागरिक सहायता कक्ष आईतबार देखी सञ्चालनमा आएको छ ।
जिल्ला प्रहरी कार्यालय र जिल्ला ट्राफिक प्रहरी कार्यालयको सहयोगमा सदरमुकामको गोरखा अस्पताल जाने चोकमा उत्त कक्षको स्थापना गरी सञ्चालनमा ल्याईएको जिल्ला ट्राफिक प्रहरी कार्यालय गोरखाले जानकारी दिएको छ ।
कक्षको एक कार्यक्रम बिच गोरखा नगरपालिकाका मेयर राजनराज पन्तले रिबन काटेर उदघाटन गरेका थिए । कार्यक्रमका प्रमुख अतिथी समेत रहेका पन्तले यातायात क्षेत्र निकै संवेदनशिल क्षेत्र भएका कारण सवारीका चालकको सामान्य सावधनीले पनि ठुलो मानविय क्षति टर्ने भएका कारण चालकहरुलाई संम्यमता अपनाउन आग्रह गरे ।
पन्तले चालककै कारण जिल्ला भित्र आउने पर्यटकले दुरब्यवहार भोग्न नपारोस भन्दै यसबाट जिल्ला बाहिर गलत सन्देश जाने हुदा सुधारका लागि सबै सरोकारवालाहरुलाई एकै स्थानमा उभिन आग्रह गरे ।
सहायता कक्षको उदघाट्न लगत्तै सदरमुकामबाट बाहिर जान लागेको सवारीका चालकहरुलाई अबिर र फुलमाला तथा फुलका गुच्छाहरु दिएर सवारी दुर्घटनाका सन्दर्भमा सचेत रहन समेत चालकहरुलाई आग्रह गरीएको थियो ।
आजै सार्वजनिक र निजी सवारीमा यात्रा गरीरहेकाहरुलाई सरोकारवालाहरुले फुलको गुच्छा दिएर सवारी दुर्घटनाको बिषयमा सचेत रहन र त्यस्ता घटना घटन सक्ने अवस्थामा प्रहरीलाई खबर गर्न समेत आग्रह गरीएको थियो ।
कार्यक्रममा गोरखा नगरपालिकाका उप मेयर बिनाकुमारी श्रेष्ठ, नेपाली सेना रण सिं दल गणका गणपति उज्वल केसी, जिल्ला प्रहरी कार्यालय गोरखाका प्रहरी उपरिक्षक ओमप्रकाश अधिकारी, गोरखा उद्योग बाणिज्य संघका अध्यक्ष जिवन ज्योती श्रेष्ठ, नेपाल पत्रकार महासंघ गोरखा शाखाका अध्यक्ष किशोर जंङ्ग थापा, नेपाल चेम्बर अफ कमर्श गोरखाका उपाध्यक्ष कृण्ण ढकाल, दरौदी यातायात सेवा प्रालि, मनकामना ट्याक्सी सेवा प्रावि, पृथ्वीराजमार्ग बस सञ्चालक कम्पनी प्रमुख तथा प्रतिनिधी र यातायात सञ्चालक र सवारी चालकहरुको समेत उपस्थ्तिी रहेको थियो ।
