गोरखा समाचारदाता
गोरखा – क्षेत्री समाजले घटस्थापनामा सार्वजानिक विदा दिन माग गरेको छ ।
सोमबार प्रमुख जिल्ला अधिकारी देबेन्द्र लामिछाने मार्फत गण्डकी प्रदेशका मुख्यमन्त्री पृथ्वीसुब्बा गुरुङलाई ज्ञापनपत्र बुझाउँदै समाजले त्यस्तो आग्रह गरेको हो ।
विधिवत वैदिक मन्त्रोच्चारण साथ जलपूर्ण कलश स्थापना गरी नौ दिनसम्म शक्तिका प्रतिकका रुपमा आत्मसाथ गरी देवीहरुको पूजा आरधनाको शुभारम्भ गरिने भएकाले घटस्थापनाको दिन सार्वजानिक बिदा दिनुपर्ने जिल्ला अध्यक्ष दिलबहादुर बस्नेत र सचिव शंकरबहादुर कुँवरद्धारा हस्ताक्ष्रित ज्ञापनपत्रमा उल्लेख गरिएको छ ।
८१ प्रतिशत हिन्दु र १३ प्रतिशत ओमकार परिवार गरी ९४ प्रतिशत नेपालीहरुको महानपर्व बिजया दशमीको पहिलो दिन सार्वजानिक बिदा नदिएर सरकारले उक्त पर्वलाई ओझेलमा पार्न खोजेको आरोप लगाइएको छ ।
त्यस दिन सार्वजानिक बिदा नदिए आन्दोलन गर्ने समेत क्षेत्री समाजले चेतावनी दिएको छ ।
