गोरखा समाचारदाता
गोरखा – राष्ट्रिय गौरबको बुढी गण्डकी आयोजना नेपाली लगानीमा नै बनाउन गोरखाको राजनैतिक दलहरुले आग्रह गरेको छ ।
सोमबार नेपाली काँग्रेस र समाजवाद पार्टीले छुट्टा छुट्टै विज्ञप्ती निकाली स्वदेशी लगानीमा नै निर्माण गर्ने कार्यको सुनिश्चितता गर्न आग्रह गरेका छन ।
नेपाली काँग्रेस गोरखाले प्रकासित गरेका विज्ञप्तीमा ‘सरकारको पछिल्लो क्रियाकलाप हेर्दा सरकार जनताको समस्या र आयोजना बनाउने प्रति उदासिन देखिएको हुदाँ नेपाली काँग्रेस तत्काल जनताको समस्या समाधान गरी आयोजना स्वदेशी लगानी बाटै निर्माण गर्ने कार्यको सुनिश्चित गर्न’ भनेको छ ।
सोमबार प्रकाशित विज्ञप्तीमा ‘परियोजनाले आवश्यक जग्गा भनि रोक्का गरेको मध्ये गोरखाको आरुघाट बजार र आरर्खेत, धादिङ्गको आरुघाट बिशालबजार र त्रिपुरेश्वर खहरे क्षेत्रका घर जग्गाको हाल सम्म सरकारद्वारा मुआब्जा निर्धारण नहुनुले सो क्षेत्रको जनता प्रति राज्यद्वारा ठुलो अन्याय भएको नेपाली काँग्रेस गोरखाको ठहर छ’ भनिएको छ ।
सचिव नन्दप्रसाद न्यौपानेद्वारा हस्ताक्षरित विज्ञप्तीमा ‘मुआब्जा रकम हाल भएको मुल्य बृद्विलाई आधारमानी मुआब्जा रकम वृद्वि गरी जनतालाई उपलब्ध गराउनको निम्ती नेपाली काँग्रेस जिल्ला कार्य समिति जोडदार माग गर्दछ । अन्यथा एउटा जिवन्त राजनितिक पार्टीले जनताको दुःख टुलुटुलु हेरेर बस्नु कतिको न्याय संगग हुन्छ ?’ भन्दै प्रश्न समेत गरेको छ ।
यता समाजवादी पार्टी गोरखोले पनि सोमबार नै विज्ञप्ती प्रकाशित गर्दै बहुउद्वेश्यीय बुढीगण्डकी जलविद्युत आयोजनाका बारेमा देखिएको राज्य पक्षको ढुलमुले निती र नकारात्मक टिप्पणी प्रति गंभिर ध्यानाकर्षण भएको जनाएको छ ।
पार्टीका जिल्ला अध्यक्ष नारायण खत्रीद्वारा हस्ताक्षरित विज्ञप्तीमा ‘मुआब्जा वितरण प्रकृया प्रति राज्यपक्ष उदासिन देखिनुले सरकारको समृद्वी भाषमा मात्रै सिमित रहेको स्पष्ट बुझन सकिन्छ । २०७६ साल असोज ४ मा गोरखा सदरमुकाममा भएको सर्वपक्षिय बहस कार्यक्रममा धादिङ्ग र गोरखाका प्रमुख जिल्ला अधिकारीहरु अनुपस्थित रहनु र आयोजना प्रमुखको भागदौड देख्दा राज्यपक्ष आयोजना अगाडी बढाउने भन्दा भत्काउन तर्फ उद्वत हो कि भन्ने आम जनमानसमा आशंका उत्पन्न भएको छ’ भनिएको छ ।
विज्ञप्तीमा ‘सिंगो नेपाल र नेपालीको गौरव र देशको समृद्विमा विशेष महत्व राख्ने बहुउद्वश्यि बुढीगण्डकी जलविद्युत आयोजना भएपनि सरकारले घर जग्गाधनीहरुलाई उचित मुआब्जा दिन ढिलासुस्ती, बहानाबाजी र आनाकानी गरीरहेको स्पष्ट देखिन्छ । घर जग्गाधनीहरुलाई यथाशिघ्र उचित मुआब्जा प्रदान गरी आयोजनाको काम अगाडी बढाउन समाजबादी पार्टी जोडदार माग गर्दछ’ भन्दै ‘आयोजना प्रति अफवाह फैलाएर धमिलो पानीमा माछा मार्न खोज्ने तत्वलाई चिन्दै यस्ता प्रवृतिबाट सचेत रहन घर जग्गाधनीहरुलाई अपिल’ पनि गरेको छ ।
सोमबार नै प्रकाशित विज्ञप्तीमा ‘गलत र तानाशाही शैलिको प्रवृति अन्त्य गरी आयोजनाको काम द्रुत गतिमा अगाडी बढाउन समाजवादी पार्टी गोरखा सरकारलाई थप जिम्मेवार शैलिमा प्रस्तुत हुन’ समेत आग्रह गरीएको छ ।
