गोरखा समाचारदाता
गोरखा – हिमचुली बचत तथा ऋण सहकारी संस्था लिमिटेडले आफ्नो २७औं बार्षिक साधारण सम्पन्न गरेको छ ।
सस्थाका अध्यक्ष रामबाबु श्रेष्ठको अध्यक्षता एवं गोरखा नगरपालिकाकी उप प्रमुख श्री बिनाकुमारी श्रेष्ठको प्रमुख आतिथ्यतामा भएको कार्यक्रममा सहकारी संघ गोरखाका सचिव महेन्द्रप्रसाद खनाल, वडा नं. १० का वडा अध्यक्ष देवीबहादुर बस्नेत, संस्थाका अध्यक्ष रामवावु श्रेष्ठ, लेखा सुपरिवेक्षण समितिका अध्यक्ष ऋषिराम सापकोटा, पूर्व अध्यक्ष तथा सल्लाहकार गोवर्धन आचार्य, निवर्तमान अध्यक्ष दिलिप देवकोटा क्षेत्र नं.-१, उपक्षेत्र नं.-४, का संयोजक खडानन्द भट्ट, क्षेत्र नं.-१, का संयोजक ओमबहादुर श्रेष्ठ, निवर्तमान उपाध्यक्ष तुलसा मरहट्टा, सम्मानित सदस्य इश्वरभक्त तिवारी लगायतले मन्तब्य राखेका थिए ।
संस्थाले आ.व. २०७५/०७६ मा १८ करोड १९ लाख ५९ हजार ४०१ रुपैया दायित्व तथा सम्पत्ति सहितको प्रगति प्रतिवेदन प्रस्तुत गरिएको थियो । कार्यक्रममा नगर उप प्रमुख बिनाकुमारी श्रेष्ठ, जिल्ला कार्यक्रममा असल ऋणीहरुमा सदस्यहरु चञ्चला ज्ञवाली, इश्वरभक्त तिवारी र धर्मराजश्रेष्ठ जेष्ठ सदस्यमा पुरुषतर्फ विष्णुप्रसाद श्रेष्ठ र महिलातर्फ ज्ञानमाया राना मगर सम्मानित भएका छन् ।
