गोरखा समाचारदाता
गोरखा – साझा पार्टीका केन्द्रिय संयोजक रबिन्द्र मिश्रले आफ्नो पार्टीको राजनीतिक स्वार्थ पुरा गर्न नयाँ संबिधानलाई दोस देखाउदै हिड्न नपाइने बताए ।
गोरखा सदरमुकाममा आयोजित पार्टीको जिल्ला संयोजक घोषणा कार्यक्रममा बोल्दै संयोजक मिश्रले अहिले जसले संबिधान लेखेको उसैले बिरोध गर्दै हिड्ने गरेको भन्दै यस्तो कुरा बताएका हुन ।
उनले नयाँ संबिधान लेख्नेहरु मध्ये कै केहीले भोलिपल्टदेखि नै बिरोध गर्न थालेको स्मरण गराउदै संबिधानले काम गर्न थालेको ४ बर्ष मात्र भएको छ । त्यसैले आफ्नो राजनीतिक स्वार्थ पुरा गर्नका लागि संबिधानलाई दोस देखाउन गलत भएको टिप्पणी गरे ।
राजनीतिक पार्टीहरु यस्ता कुरामा अल्झिएर बसेकै कारण अहिले जनताका आकांक्षा अनुसार संबिधानको कार्यान्वयन अघि बढ्न नसकेको उनले ठोकुवा गरे ।
संयोजक मिश्रले अब संबिधान भत्काउने तर्फ नभई संबिधान भित्र भएका कमिकमजोरीलाई सच्याउदै लैजानु पर्ने बर्ताए । बिश्वकै सम्बृद्ध हुन सक्ने नेपालले गएको ६०÷७० बर्षको इतिहासमा दुख्द यात्रा गरेको स्मरण गराउदै राजनीतिक नेतृत्वको दुरदर्शिताको अभावले जनताले दुःख पाएको मिश्रको आरोप थियो ।
मिश्रले गोरखा सदरमुकाम क्षेत्रको शहरी बिकास गलत ढंगले अघि बढेको समेत बताए । उनले काठमाण्डौले गरिरहेको गल्ति गोरखाले गरिरहेको भन्दै पछि पछुताउनु पर्ने भएकाले अहिलै गम्भीर भएर सोच्नुपर्ने बेला आएको बताए ।
