गोरखा समाचारदाता
तनहुँको आँबुखैरनी क्षेत्रमा क्रियाशिल अलस्टार क्लवले नयाँ नेतृत्व पाएको छ । सोमबार भएको अधिवेशनले दिनेश केसीको अध्यक्षतामा नयाँ कार्यसमिति चयन गरेको हो । जसको उपाध्यक्षमा शुसिल पाण्डे, सचिवमा सुमन पाण्डे, कोसाध्यक्षमा जे.पी केसी चुनिएका छन् ।
यसैगरी प्रविन अधिकारी, अर्जुन श्रेष्ठ, अर्जुन कर्माचार्य, संजित श्रेष्ठ, रविन थापा र क्षितिज थकाली सदस्यमा छानिएका छन् । समितिको बैठकले १ जना भने मनोनित गरिने क्लवले जनाएको छ । सोही अबसरमा हालै सम्पन्न अखिल नेपाल फुटबल संघ एन्फाको अधिवेसन बाट केन्द्रिय सदस्यमा निर्वाचित भएका आँबुखैरनी गाउँपालिका वडा नम्बर ३ तल्लो बजार निवासी रत्न कुमार श्रेष्ठलाई दोसाल्ला ओढाएर सम्मान गरिएको छ ।
समितिको अध्यक्षमा चयन भएका केसीले आँबुखैरनी क्षेत्रको खेलकुदलाई अगाडी बढाउनुका साथै खेल क्षेत्रको हक हितमा संरक्षण गरी विभिन्न रचनात्मक काम गरेर देखाउने प्रतिवद्धता जनाएका छन् । कार्यक्रममा एन्फाका केन्द्रिय सदस्य रत्नकुमार श्रेष्ठ, क्लवका पूर्व अध्यक्षहरु निर्बिकार मिश्र, मनोज कुमार श्रेष्ठ, आँबुखैरनी क्याम्पसका प्रमुख ऋषी के.सी, लायन्यस क्वल अफ आँबु खैरनीका सचिव गोबिन्द अधिकारी लगायत मन्तव्य राखेका थिए ।
