मुख्यसचिवको दौडमा ङइन्द्रप्रसाद उपाध्याय र शंकरप्रसाद अधिकारी पनि थिए । तर, राजनीतिक नेतृत्वसँग सीधा सम्पर्क भएका रेग्मीले मुख्यसचिव बाजी मारेका हुन् । निजामती सेवामा २३ वर्ष बिताएका रेग्मी जनप्रशासनमा स्नातकोत्तर हुन् । रेग्मीले अर्थ, गृहजस्ता शक्तिशाली मन्त्रालयको प्रशासनिक नेतृत्व गरिसकेका छन् ।

बैठकले राष्ट्रिय पुनर्निर्माण प्राधिकरणका प्रमुख कार्यकारी अधिकृत (सीईओ) गोविन्दराज पोखरेलको राजीनामा स्वीकृत गरेको छ । प्राधिकरणमा पूर्वसचिव युवराज भूसाललाई ‘तत्कालका लागि’ सीईओको जिम्मेवारी दिएको छ ।

त्यसैगरी विष्णु ओम बाँडेलाई सह–सचिवबाट सचिवमा बढुवा गरिएको छ भने शिक्षा सचिव शेषनाथ अधिकारी र भूकम्प पुनःनिर्माण प्राधिकरणका प्रमुख कार्यकारी अधिकृत डा गोविन्द पोखरेलको राजीनामा बैठकले स्वीकृत गरिएको छ ।

नेपाल सरकार र युरोपियन युनियनबीच निर्वाचनको परिवेक्षणसम्बन्धी समझदारी पत्रमा हस्ताक्षर गर्ने निणयसमेत बैठकले गरेको छ । लाइभ स्टक्स सेक्टर इनोभेसन प्रोजेक्टका लागि विश्व बैंकबाट ८० मिलियन डलर ऋण सहायता लिने सम्झौतासम्बन्धी वार्ताका लागि टोली गठन गर्ने अख्तियारी दिने निर्णय बैठकले गरेको जनाएको छ ।

यस्तै भारतका लागि नेपालका राजदूत दीपकुमार उपाध्यायले दिएको राजीनामा पनि मन्त्रिपरिषद् बैठकले स्विकृत गरेको छ । उनले गत दुईसाताअघि राजनीनामा दिएका थिए ।