काठमाण्डौ: नेपाली काँग्रेसले निर्वाचन आयोगमा बुझाएको प्रतिनिधिसभाका लागि समानुपातिकको सूचीमा परेका नेपाल चीन केरुङ व्यवसायी संघका अध्यक्ष मानबहादुर तामाङलाई प्रहरीले पक्राउ गरेको छ ।
महानगरीय प्रहरी अपराध महाशाखाले ८८ किलो सुन बरामत घटनामा तामाङको संलग्नता खुलेपछि उनलार्इ पक्रेको हो । महाशाखाका प्रमुख एसएसपी दिवेश लोहनीले केरुङबाट काठमाणडौसम्म सुन ल्याउन तामाङले मध्यस्तकर्ताको भूमीका खेलेको देखिएपछि अनुसन्धानकालागि पक्राउ गरिएको बताए।
तामाङलाई प्रहरीले काठमाडौको स्वंम्भुस्थित ठूलोभरयाङबाट पक्राउ गरेको हो । तामाङ र चिनिया व्यापारीको होटलहरुमा संयुक्त लगानी रहेको आशंका पनि प्रहरीले गरेको छ ।
