काठमाडौं: रामनाथ कोविन्द भारतको नयाँ राष्ट्रपतिमा निर्वाचत हुनु भएको छ। राष्ट्रिय प्रजातान्त्रिक गठवन्धनका उम्मेदवार बनेका कोविन्द १४ औ राष्ट्रपतिमा निर्वाचति हुनु भएको भारतीय सञ्चार माध्यमले उल्लेख गरेको छ।
विहीबार सम्पन्न मतगणनामा राष्ट्रपतिका उम्मेदवार कोविन्दले ७ लाख २ हजार ४४ मत ल्याउनु भएको छ भने उहाँका प्रतिद्वन्द्वी मीरा कुमारले ३ लाख ६७ हजार ३ सय १४ भोट पाउनुभयो। निर्वाचित राष्ट्रपति कोविन्दलाई ५ सय २२ सांसदले भोट गरेर समर्थन गरेका थिए भने मीरालाई २ सय २५ सांसदले समर्थन गरेर भोट दिएका थिए। समग्रमा रामनाथले ६६ प्रतिशत भोट पाउनुभयो भने मीराले ३४ प्रतिशत मात्रै भोट पाउनुभयो।
मतदानमा २१ सांसदको मत रद्द भउको थियो भने गोवा र गुजरातमा राष्ट्रिय प्रजातान्त्रिक गठवन्धनको पक्षमा क्रस भोटिङ भएको थियो। जीतसँगै विन्दले २५ तारिकमा नयाँ राष्ट्रपतिको शपथ लिने कार्यक्रम रहेको भारतीय सञ्चारमाध्यमले जनाएको छ।
राष्ट्रपतिमा निर्वाचित भएसँगै रामनाथ कोकविन्दलाई भारतीय प्रधानमन्त्री नरेन्द्र मोदीले बधाई तथा शुभकामना दिनुभएको छ।
को हुन रामनाथ कोविन्द ?
रामनाथ कोविन्दको जन्म १ अक्टोबर सन् १९४५मा एक दलित परिवारमा भएको थियो। त्यो समयमा भारत अंग्रेजको अधीनमा थियो। त्यति बेला दलित हुनु नै अपराधी सरह हुनु थियो। उहाँको बाल्यकाल चरम गरीबीबाट गुज्रिएको थियो।
कानपुरको डेरापुर तहसील गाउँमा जिन्मिएका रामनाथले आफ्नो सुरुवाती करिअर सर्वोच्च न्यायालयमा वकालतबाट गर्नुभएको थियो। सन् १९७७ मा जनता पार्टीको सरकार बनेपछि उहाँ तत्कालीन प्रधानमन्त्री मोरार जी देसाईका नीजि सचिवको रुपमा काम गर्नुभएको थियो।
यसपछि उहाँ भाजपा नेतृत्वको सम्पर्कमा आउनुभयो। कोविन्दले दिल्लीमा रहेर आएएएस(भारतीय प्रशासनिक सेवा)को परीक्षा समेत तीन पटकमा पास गर्नुभयो। तर उहाँले सेवामा राम्रोसँग काम गर्न पाउनुभएन। सन् १९७५ मा आपतकालपछि जनता पार्टीले सरकार बनाएपछि उनी वित्त मन्त्री मोरारजी देसाईको नीजी सचिव बन्नुभयो। यसका साथै उहाँले जनता पार्टीको सरकार भएको बेला सर्वोच्च अदालतमा जुनियर काउन्सिलरको पदमा काम गर्नुभयो।
यसअघि पनि उहाँले आफ्नै गाउँमा संघर्षरत रहनुभयो। उहाँले आफ्नो अगाडि आइपर्ने सम्पूर्ण विरोधीहरुलाई पछाडि पार्नुभयो र आफ्नो गाउँ आफैं बनाऔ भन्दै गाउँबाट गरिबीलाई हटाउनुभयो। किनकी बाल्यकालमा गरीबीका कारण उहाँ आफैं ६ किलवमिटर पैदल हिडेर स्कुल पढ्न आउने जाने गर्नुहुन्थ्यो।
गरिबीमा जन्मिनु भएका रामनाथ अध्ययन गरेर पहिलो पटक नामी वकिल बन्नुभयो। त्यसपछि विहारमा राज्यपाल, सन् 1994 देखि 2006को बीचमा बार राज्यसभा सदस्य, भाजपा अनुसूचित मोर्चाको राष्ट्रिय अध्यक्ष तथा राष्ट्रिय प्रवक्ता, र उत्तर प्रदेशको महामन्त्री समेत बन्नुभयो। तर राष्ट्रपति हुनुअघि उहाँले गाउँमा भएको घर गाउँलेलाई नै दान गर्नुभएको थियो।
दु:खलाई नजिकबाट नियाल्नु भएका रामनाथ कोविन्दले अब भारतको राष्ट्रपति भएर भारतको इतिहास लेख्नुहुनेछ।
