जेष्ठ १४, २०७४- धादिङको निलकण्ठ १० गोलाभन्ज्याङको भकारेमा यात्रु बोकेको स्कुल बस दुर्घटना हुँदा छ जनाको मृत्यु भएको छ । गोला भन्ज्याङबाट त्रिपुरेस्वरको खहरे बजारतर्फ जाँदै गरेको बोर्डिङ स्कूलको ग१ख ३४०५ नम्बरको बस भकारेमा दुर्घट्नामा परेको हो ।

बस सडकबाट करिब डेढ सय मिटर तल खसेको छ । सदरमुकामबाट घटनास्थलतर्फ नेपाल प्रहरी र शसस्त्र प्रहरीको टोली गएको छ । स्थानीयले उद्दार गरिरहेका छन् । उद्दारमा संलग्न युवक कुबेर धरेलका अनुसार १२ जना घाइतेको उद्दार गरिएको छ ।

उक्त रुटमा चल्ने गाडी बिग्रेपछि उक्त स्कूल बसलाई यात्रु लिनको लागि बोलाइएको थियो । बिग्रेको बसबाट सबै यात्रु स्कुल बसमा राखेर छ्तमा सामान बाँध्ने क्रममा रोकेर राखेको बस ओरालोमा गुडेर दुर्घट्ना भएको बताइएको छ ।
ekantipur