कैलासबावु श्रेष्ठ/गोरखा
चैत्र १ गते । गोरखा सदरमुकामको लक्ष्मी बजारमा रहेको जिल्ला सैनिक बोर्डले आफ्ना सदस्य भूतपुर्व सैनिकहरुलाई २४ करोड रुपैयाँ पेन्सन बितरण गरेको छ ।
गोरखा, लमजुङ्ग, चितवन, तनहुँ र धादिङ्गमा रहेका गोरखा भारतीय भूपु सैनिकहरुलाई प्रत्येक छ÷छ महिना बिरतण गर्दै आएको पेसन्न यस पटक पनि बितरण गरीएको गोरखा भारतीय भूपु सैनिक संघका जिल्ला अध्यक्ष क्या.तेज बहादुर गुरुङ्गले जानकारी दिनु भयो ।
फागुन २९ गते ९ करोड, फागुन ३० गते १५ करोड बितरण भएको र चैत्र १ गते पनि बितरण हुने भएकोले यो रकम बढेर ३० करोड सम्म पुग्ने अनुमान गरीएको छ । फागुन ३० गते सम्ममा १ हजार बढी पेन्सन वालाले पेन्सन लिई सकेको र आज अन्तिम दिन भएका कारण ४ सय जति मानिसहरुले पेन्सन लिने अनुमान समेत गरीएको छ ।
गोरखा जिल्लामा मात्रै गोरखा भारतीय भूपु सैनिकहरु ११ हजार भन्दा बढी रहेको छ । त्यस मध्ये पनि ७ हजार मानिसले राजधानीमा रहेको गोरखा भारतीय पेन्सन क्याम्प बाट पेन्सन लिदै आएको कारण संख्यात्मक हिसाबमा गोरखा जिल्ला बाट पेन्सन बुझने भूपुहरु कम भएको हो ।
गोरखामा रहेको क्याम्प बाट मासिक १५ हजार देखी ७३ हजार रुपैयाँ बुझने भूपुहरुले पेन्सन बुझदै आएको जिल्ला सैनिक बोर्डले जानकारी दिएको छ ।
