कैलासबावु श्रेष्ठ/गोरखा
माघ १४ गते । उत्तरी गोरखामा पाइने चौरीको दुधबाट चिज बनाउने तयारी पुरा भएको छ । चिज बनाउनका लागि आवश्यक पर्ने मेशिन सदरमुकामबाट हेलिकप्टर मार्फत छेकम्पार पुरयाईएको छ ।
फोटो डा.जगत बन्धु नेपाली को फेसबुक पेजबाट
जिल्ला पशु सेवा कार्यालय र अक्सफार्मको आर्थिक सहयोगमा मेशिन गरीद गरी उत्तरी गोरखाको छेकम्पारमा उत्त मेशिन पठाइ सकिएको छ । जिल्ला पशु सेवा कार्यालय गोरखाका बरिष्ठ पशु सेवा अधिकृत डा.जगत बन्धु नेपालीले दिनु भएको जानकारी अनुसार उत्पादनका लागि १२ लाख रुपैयाँ बरावरको आर्थिक सहयोग हुने छ । चिज मेकर, जाली, क्रिम सेप्रेटर तथा छेकम्पारको छुलेमा बन्ने घर सहित उत्त रकम खर्च हुने छ ।
फोटो डा.जगत बन्धु नेपाली को फेसबुक पेजबाट
चौरीको दुध बाट बन्ने भएता पनि बजारमा याक चिज भने चिनिने उत्त बस्तु निर्माणका लागि यस अधि नै २ जनालाई चितवनमा मेशिन सञ्चालन कसरी गर्ने भन्ने बिषयमा तालिम दिई सकिएको भएता पनि उत्पादन कसरी गर्ने भन्ने बिषयमा भने उनीहरुलाई म्याग्दी पठाउने तयारी भै रहेको छ । म्याग्दीमा पनि याक चिज तयार गरीने भएकोले त्यहाँ कसरी उत्पादन गरी रहेको छ र कसरी गर्ने भन्ने बिषयमा जानकारी र तालिमका लागि पठाउन लागिएको डा.नेपालीले जानकारी दिनु भयो ।
छेकम्पारमा मात्रै अहिले १ हजार ४ सय देखी १ हजार ५ सय चौरी रहेको अनुमान गरीएको छ । १ वटा चौरीले सामान्य पनि डेड देखी २ लिटर सम्म दुध दिने भएकोले पहिलो चरणमा ५ देखी ६ सय सम्मको चौरीको दुध संकलन गरी दैनिक ६० केजीका दरले चिज उत्पादन गर्ने लक्ष्य राखेको छ जिल्ला पशु सेवा कार्यालयले । दुधलाई प्रोसेसीङ्ग गरेर ४८ घण्टामा नै तयार गर्न सकिने चिजको बजार भने उत्तरी गोरखाको मनास्लु क्षेत्रका साथै राजधानी र पोखरा हुन सक्ने अनुमान कार्यालयले गरेको छ ।
फोटो :– कैलासबावु श्रेष्ठ
बजारमा अहिले प्रति केजी १ हजार रुपैयाँ सम्ममा बिक्री हुदै आएको छ । निकै गुणकारी मानिएको यो चिज कुल दुधको १२ प्रतिशत मात्र चिज बन्ने गर्दछ । कार्यालयले दिएको अहिले प्रविधी बिद्युत र दाउरा दुवै प्रयोग गर्न मिल्ने रहेको डा.नेपालीले जानकारी गराउनु भयो । चिजको ब्यबसायी कत्पादन भने चैत्र वा बैशाख महिना बाट मात्र हुने छ ।
