कैलासबावु श्रेष्ठ/गोरखा
माघ १० गते । देशकै प्रसिद्व धार्मिक तथा ऐतिहासिक तिर्थ स्थल गोरखाको मनकामनामा मनास्लु बिकास बैंकले शाखा विस्तार गरेको छ । मनकामनामा रहेको यो शाखा सहित मनास्लुको अहिले सम्म १० शाखा भएको छ ।
केन्द्रिय कार्यालय गोरखा बजारमा रहेको मनास्लु विकास बैंकले गोरखा, तनहुँ र चितवनमा शाखा विस्तार गर्न पाउने गरी राष्ट्र बैंकले ‘ख’ बर्गको स्विकृती दिएको थियो । शाखा बिस्तार पछि बैंकका अध्यक्ष बिजय मल्लले मनकामनाको समग्र बिकासमा यो बैंकले भूमिका खेल्ने भन्दै कर्मसियल बैंक भन्दा बिकास बैंकमा निक्षेपकर्ताहरुले फाइदा लिन सक्ने कुरामा जोड दिनु भएको थियो ।
अध्यक्ष मल्लले शाखा नाफा भन्दा पनि सामाजिक उत्तर दायित्वको हिसाबले खोलिएको भन्दै साना साना उद्यमीहरुलाई समेत बैंकले समेटने कुरामा जोड दिनु भएको थियो । अध्यक्ष बिजय मल्लको जन्म थलो भएको मनकामनामा यौ बैंक खुल्दा मनकामना बासी हर्षित भएका छन ।
शाखाले मनकामना क्षेत्र वरपरका लागि भनेर शाखा बिस्तार संगै आगामी चैत्र मसान्त सम्मका लागि ३ महिने मुद्वती खातामा १०.७५ प्रतिशत ब्याज दिने घोषणा समेत गरीएको थियो ।
समाज सेवी ईश्वर मल्लले पानसमा बक्ति र रिबन काटेर शाखाको उदघाटन गनु भएको उक्त कार्यक्रममा नेपाल पत्रकार महासंघ गोरखा शाखाका निर्बतमान अध्यक्ष कैलासबावु श्रेष्ठ, मनकामना गाउँ बिकास समितिका सचिव नारायण प्रसाद सापकोटा र समाज सेवी राम कुमार जोशीले शुभ कामना मन्तब्य राख्नु भएको थियो ।
