कैलासबावु श्रेष्ठ/गोरखा
माघ ५ गते । बिनाशकारी भूकम्ले क्षेति पुरयाएको मध्ये गोरखा जिल्लाको मसेल गाउँ बिकास समितिमा बुधबार ४१ घर परिवारलाई दोस्रो किस्ता बापतको रकम बितरण गरीएको छ । रकम सेभ द चिल्ड्रेनको साझेदरीमा श्री स्वाराँ सघन गाउँ विकास केन्दले बितरण गरेको हो । वितरीत रकम गोरखा सदरमुकामको कसमस बैंकमा पिडिनको नाममा जम्मा गरीएको छ ।
प्रभावित जिल्ला मध्ये दोस्रो किस्ता रकम बाडिएको गोरखा जिल्ला नै पहिलो भएको छ । नेपाल सरकारबाट जारी निजी आवास निर्माण अनुदान वितरण कार्यविधि बमोजिम राष्ट्रिय भवन संहिता अनुरुप कुर्सी–पट्टी अर्थात डीपीसी लेभलसम्म निर्माण कार्य पूरा गरेका मसेल गाविसका ४१ घर परीवारले अनुदान बापतको प्रति परिवार १ लाख ५० हजारका दरले बितरण गरीएको छ । शहरी विकास तथा भवन निर्माण डिभिजन कार्यालय, जिल्ला स्तरीय आयोजना कार्यान्वयन एकाइ र सम्बन्धित गाविसको सकृयतामा दोस्रो किस्ता बितरण गरीएको स्वाराँ सघनका आवास संयोजक ईन्जिनियर बिरेन्द्र श्रेष्ठले जानकारी दिनु भएको छ ।
केन्द«ले मसेल र पन्द्रुङ गाविसमा ४ सय ५० घरका लागि अनुदान दिने सम्झौता गरेको छ । केन्द्रले निजी आवास निर्माणको लागि प्राविधिक सहयोग समेत गर्दे आएको छ । हालसम्म मसेल गाविसमा १ सय र पन्द्रुङ गविसमा ६० गरी १ सय ६० घरधुरीले घर बनाउन सुरु गरी सकेका छन् । ती मध्ये पनि २० घरधुरीहरु अनुदानको तेस्रो किस्ता पाउन योग्य भएको ईन्जिनियर श्रेष्ठले जानकारी दिनु भयो ।
