कैलासबावु श्रेष्ठ/गोरखा
माघ ३ गते । गोरखा उद्योग बाणिज्य संघले पौषमा आयोजना गरेको ९ औं गोरखा महोत्सव बाट १२ लाख रुपैयाँ बचत गर्न सफल भएको जानकारी गराएको छ ।
संघले सार्वजनिक गरेको सूचनामा ७० लाख ४७ हजार ३ सय ९० रुपैयाँ आम्दानी भएको र ५८ लाख १७ हजार ३ सय २१ रुपैयाँ खर्च हुदाँ १२ लाख ३० हजार ६८ रुपैयाँ बचत भएको छ । तर संघले महोत्सव आयोजना गर्दा प्रायोजक तथा अन्य सहयोगीहरुले दिन्छु भनेको रकम पनि ठुलै मात्रामा उठन बाँकी देखिन्छ भने भुक्तानी समेत दिन बाँकी भएको देखीएको छ ।
संघले दिएको जानकारी अनुसार तलको तालिका देखाएको रकम उठ्न बाँकी भएको देखीन्छ । यो सबै रकम उठेको खण्डमा मात्र संघले उत्त रकम बचत गर्न सक्ने छ । बचत रकमबाट संघले विभिन्न सामाजिक काममा लगानी गर्ने योजना बनाएको छ ।
उठ्न बाँकी रकम
१. मुख्य प्रायोजक ४०००००।–
२. प्रायोजक ३०००००।–
३. सह प्रायोजक २०००००।–
४. सह आयोजक २०००००।–
५. व्यापार तथा निकासी प्रबद्र्धन केन्द्र ७०००००।–
६. एक गाउँ एक उत्पादन कार्यक्रम १५००००।–
७. गोरखा नगरपालिका १५००००।–
८. स्मारिका विज्ञापन २६४०००।–
९. स्टलभाडा उठन बाँकी ३३१०००।–
१०. आर्थिक सहयोग रकम ७२०००।–
जम्मा २७६७०००।–
१. जम्मा भुक्तानी दिनुपर्ने रकम रु १५३६९३२।–