‘जब जब निर्णायक बार्ता भनिन्छ, तव तव राज्यले आतंक मच्चाउने काम गरेको छ, यसले भइरहेको बार्तावाट बाहिरिन मोर्चाले बाध्य बनाउने कामसमेत गरेको महशुश भएको छ’ कर्णले भने । लगत्तै, कर्णले मोर्चा आवद्ध ४ दलसहित थरुहट तराई पार्टीले संसद बहिस्कारको घोषणा गरेका थिए ।

यता, रंगेलीमा शान्तिपुर्ण आन्दोलन गर्न मधेसी मोर्चाले नदिएको भन्दै संसदको शुन्य समयमा सांसदहरुले आपत्ति जनाएका छन् ।

सांसद चुणामणी जंगलीले शान्तिपूर्ण आमसभा गर्न मधेसी मोर्चाले नदिएको भन्दै आपत्ति जनाए । ‘आफ्ना कुरा शान्तिपूर्ण तरिकाले आयोजना गरिरहेको बेला भाला खुकुरी लिएर कार्यक्रम बिथोल्न आए, के शान्तिपूर्ण आन्दोलन गर्न जनताले पाउँदैनन् ?’ उनले प्रश्न गरे।

‘शान्तिपूर्ण आन्दोलन बिथोल्ने कार्य रंगेलीमा भएको छ, संविधान प्रचार गर्न पनि नदिने र अरुको बिचार राख्नै नदिने यस्तो कार्य भ्रत्सना योग्य छ’ सांसद जयन्ती राईले भनिन् ।

बिशेष समयमा बोल्दै सांसद महेन्द्रराय यादवले सामान्य प्रदर्शनमा गोली चलाउने कार्य गलत भएको बताए। ‘पानीको फोहोरा हान्ने, लाठी चार्ज गर्नुको सट्टा यो सरकारले सिधै गोली हान्ने काम गरेको छ’ यादवले भने ।

सांसद यज्ञराज सुनुवारले मधेसी मोर्चाका नेतृत्वसँग कुरा गरेर कार्यक्रम स्थलसमेत परिवर्तन गर्दा पनि भाला, खुकरी लिएर आक्रामण गर्न आएको आरोप लगाए । ‘मोर्चाका साथीहरुसँग सल्लाह गरेरै कार्यक्रमस्थलसमेत सारिएको थियो तर अचानक भाला, खुकरी, गोली प्रहार गर्ने काम मोर्चावाट भयो, त्यसले स्थीति बिगारेको हो ।’ आन्दोलनको नाऊमा मोर्चाले आतंक मच्चयाउने काम गरेर शान्तिपूर्ण आन्दोलन गर्न नदिएको उनको आरोप छ ।