गाेरखा । गोरखाको प्रसिद्ध धार्मिकस्थल गोरखाकाली मन्दिर परिषर्मा राखिएको दान पेटिका ६ महिनामा ३ लाख ५५ हजार ८२० रुपैँया रकम संकलन भएको छ । मन्दिरमा रहेका २ वटा दानपेटिका हिजाे खोलेर दान रकम गणना गरिएको गोरखाकाली मन्दिरका मूलपुजारी शारदाप्रसाद भट्टराईले जानकारी दिए ।
‘‘यो रकम गएको २०८२ माघ महिनादेखि यताको हो, उनले भने,‘‘दुवै दान पेटिका भरिएपछि खोलेर रकम गणना गर्ने गरिदैँ आएको छ ।’’
गोरखा दरवार हेरचाह अड्डाका कर्मचारी, दरवार सुरक्षा पोष्ट अन्तर्गत नेपाली सेना, नेपाल प्रहरी, जिल्ला प्रसासन कार्यालय र कोषलेखा नियन्त्रण कार्यालय गोरखाका प्रतिनिधिको रहोवरमा दान पेटिका खोलिएको मूलपुजारी भट्टराईले बताए ।
संकलित रकम गोरखा दरवार हेरचाह अड्डाको नाममा रहेको बैंकखातामा जम्मा गर्ने गरिएको छ । खातामा यसअघि १८ लाख ६६ हजार १२५ रुपैँया जम्मा भएको उनले वताए ।
गोरखा दरवार हेरचाह अड्डाको बोर्ड वैठकले मन्दिरका लागि आवश्यक परेको ठाउँमा दान रकम खर्च गर्ने गरिएको छ ।
‘‘दान रकम खर्च गर्ने कुनै कार्यविधि त छैन्, उनले भने, ‘‘कार्यविधिको अभावमा वोर्डको बैठकले वली, खानेपानी, सरसफाई, मन्दिरको झिँगटी संरक्षणलगायतका काममा खर्च गर्ने गरिएको छ ।’