गोरखा । जिल्लाको विभिन्न सडकमा भएको सवारी दुर्घटनामा परी १७ जनाले ज्यान गुमाएका छन् भने ५१ जना घाईत भएका छन् ।
जिल्ला ट्राफिक प्रहरी कार्यालय गोरखाले उपलब्ध गराएको तथ्यांक अनुसार ०८२ सालको साउन महिनादेखी ०८३ सालको जेठ मसान्तसम्म मा जिल्ला भर २४ सवारी दुर्घटना भएको हो ।
उक्त दुर्घटनामा परी १७ जनाले ज्यान गुमाएका छन् भने ५१ जना घाईते भएका छन् । सवारी दुर्घटनामा परी घाईते भएका मध्य २३ जना गंभिर २८ जना सामान्य खालको भएको कार्यालयका प्रमुख प्रहरी नायब निरिक्षक सुरज अर्यालले बताए ।
उक्त अवधिमा ९ जना पुरुष, ६ जना महिला र २ जन बालक गरी १७ जनाले ज्यान गुमाउनु परेको थियो । सोही अवधिमा भएको दुर्घटनामा परी ११ जना पुरुष, ९ जना महिला, २ जना बालक र १ जना बालिका गंभिर घाईते भएका थिए ।
त्यस्तैगरी, उक्त अवधिमा भएको दुर्घटनामा परी ८ जना पुरुष, १७ जना महिला, २ जना बालक र १ जना बालिका सामान्य घाईते भएको पनि कार्यालयले जनाएको छ ।
कार्यालयले सोही अवधिमा दुर्घटना न्यूनिकरणका लागि १ हजार ९४ पटक गरी कुल ३२ हजार ३२५ जनालाई सचेतना गराएको पनि प्रनानि अर्यालले जानकारी दिए ।