गोरखा । विश्व वातावरण दिवस २०२६ को अवसरमा गोरखा जेसीजले आज मन्दिर परिषरमा वृक्षारोपण सम्पन्न गरेकाे छ । बृक्षाराेपणा गाेरखा नगरपालिका-३ स्थित बिध्याबासिनी मन्दिर परिसरमा गरिएकाे हाे ।
धुपी, ज्याकराण्डा तथा गुलमोहरका ३० भन्दा बढी बिरुवाहरू रोपिएकाे गाेरखा जेसीजका अध्यक्ष सुजित श्रेष्ठले जानकारी दिए ।
कार्यक्रमका प्रमुख अतिथी गाेरखा नगरपालिका-३ का वडाध्यक्ष चुलबहादुर कँवरले गाेरखा जेसीजले समुदायमा सञ्चालन गर्दै आएकाे सामाजिक तथा रचनात्मक कार्यक्रमहरूको प्रशंसा गर्दै जेसीजका गतिविधिहरू समाजका लागि अनुकरणीय र प्रशंसनीय रहेको बताए ।
बृक्षाराेपणले वातावरण संरक्षण, हरियाली प्रवर्धनका साथै समुदायमा सकारात्मक सन्देश प्रवाह हुने भएकाेले मन्दिर परिषरमा कार्यक्रमकाे आयाेजना गरीएकाे गाेरखा जेसीजले जनाएकाे छ ।
कार्यक्रममा गोरखा जेसीजका अध्यक्ष सुजित श्रेष्ठकाे अध्यक्षतामा भएकाे कार्यक्रममा पूर्व अध्यक्षहरू तथा पदाधिकारीहरुकाे उपस्थिती रहेकाे थियाे ।