गोरखा । गोरखा सदरमुकाममा बिहानै माईक्रोले ठक्कर दिदा १ जना पुरुष घाईते भएका छन् ।
घाईते पुरुष गोरखा नगरपालिका–६ बोसेपानी निवासी ५३ बर्षका कुशुमलाल श्रेष्ठ भएको जिल्ला ट्राफिक प्रहरी कार्यालय गोरखाले पुष्टी गरेको हो ।
बुधबार बिहान ५ः२५ बजेको समयमा बा.प्र. ०१–००६ ख ६३२३ नम्बरको माईक्रोले ठक्कर दिएको हो ।
घाईते श्रेष्ठको गोरखा अस्पतालमा उपचार नभएपछी सदरमुकाममा नै रहेको गोरखा एनपिआई अस्पतालमा उपचार जारी छ । उनको टाँउको र शरिरको विभिन्न भागमा चोट लागेको छ ।
गोरखाबाट काठमाडौं जादै गरेको उक्त माईक्रो प्यासेन्जर हाल्नको लागि हरमटारीदेखी ब्याकमा आएको र सडक किनारामा हिडीरहेका श्रेष्ठलाई ठक्कर दिएको प्रत्यक्षदर्शी अनु श्रेष्ठले जानकारी दिए ।
उनका अनुसार ठक्कर दिए लगत्तै कराउदा समेत माइक्रो ब्याक गरी रहदा श्रेष्ठ माईक्रो मुनी परेको र केही मिटर धसारीएका थिए । तत्कालै माईक्रो अगाडी बढाएर उनलाई निकालेर उपचारको लागी अस्पताल पठाइएको थियो ।
हरमटारीदेखी कालिमाटी चोकसम्म ब्याक गरेर आएको उक्त माईक्रो चालकका लापर्वाहीका कारण उक्त घटना भएको अर्का प्रत्यक्षदर्शी शम्भु श्रेष्ठले बताए ।
प्रहरीले घटनामा संलग्न माईक्रो र त्यसका चालक पालुङटार नगरपालिका–१ खोप्लाङका नारायण कुवरलाई नियन्त्रणमा लिएर अनुसन्धान सुरु गरेको जनाएको छ ।
