गोरखा । गोरखाको मनकामना सडक हिजाे साँझपख टाटा योद्धा गाडी दुर्घटना हुदा चालक सहित २ जना गंभिर घाईते भएका छन् ।
घाईते हुनेमा सवारी चालक मकवानपुर राक्सिराङा गाउँपालिका–३ सिजलटारका २४ बर्षीय सुजन घलाङ र भारत विहार स्थायी ठेगाना भएका १८ बर्षीय अरविन कुमार शाह भएकाे गाेरखा प्रहरी पुष्टी गरेकाे हाे ।
सहिद लखन गाउँपालिका-३ दोभानमा हिजाे साँझ मझुवादेउरालीबाट मनकामनातर्फ जाँदै गरेको ग १ च ५५६७ नम्बरको टाटा योद्धा गाडी सडकबाट झण्डै १५० मिटर तल मस्र्याङ्दी नदी किनारमा खसेको जिल्ला प्रहरी कार्यालय गोरखाका प्रहरी नायब उपरिक्षक एवं सूचना अधिकारी राजकुमार श्रेष्ठले बताए ।
दुर्घटनमा गंभिर घाईते भएका दुवै जनाकाे टाउँकाे र शरिरकाे विभिन्न भागमा चाेट लागेकाे थियाे । उनीहरुलाई तत्कालै उद्दार गरेर तनहुँकाे आँबुखैरेनी अस्पतलमा उपचार गरी थप उपचारकाे लागि हिजै चितवन पठाइएकाे थियाे ।
थप उपचारकाे लागि चितवन पठाएका मध्य भारत विहार स्थायी ठेगाना भएका १८ बर्षीय अरविन कुमार शाहकाे हिजै राती नै टाउँकाे अप्रेशन गरीएकाे र चालक अहिले सामान्य अवस्थामा रहेकाे पनि गाेरखा प्रहरीले जानकारी दिएकाे छ ।
उकालाेमा गाडी अगाडि बढ्न नसकेपछि अचानक पछाडी ब्याक हुदा अनियन्त्रित गुमाएर दुर्घटना भएको सूचना अधिकारी श्रेष्ठको बताए ।