गाेरखा । गाेरखाकाे रातामाटेमा हिजाे राती भएकाे ट्याक्टर दुर्घटनामा परी १ जना नाबालकले ज्यान गुमाएकाे छ ।
ज्यान गुमाउने नाबालक भिमसेन थापा गाउँपालिका- ३ माथिल्लो गाउँ बस्ने बर्ष १३ का बिक्रम बस्याल भएकाे गाेरखा प्रहरीले पुष्टी गरेकाे हाे ।
गोरखा बजारबाट आरुघाट तर्फ जाँदै गरेको(रड,सिमेन्ट र जाली बोकेको) ना ६ त ६०५९ न. को ट्याक्टर बुधबार बिहान १:२० बजेकाे समयमा भिमशेन थापा गाउँपालिका-२ रातामाटे स्थितमा सडकदेखी ३० मिटर तल खोल्सामा खसेकाे थियाे ।
साेही ट्याक्टरमा सवार बस्याल गंभिर घाईते भएकाे र उनकाे गाेरखा अस्पतालमा उपचारकाे क्रममा आज बिहान ३:३० बजे ज्यान गएकाे चिकित्सकलाई उदृत गर्दै गाेरखा प्रहरीले जानकारी दिएकाे हाे ।
साेही दुर्घटनामा परी ट्याक्टर चालक सिरानचोक गाउँपालिका-८ जौबारी बस्ने बर्ष २६ को राजन परियारलाई पनि गोरखा उपचार भइरहेकाे प्रहरीले जनाएकाे छ ।
प्रहरीले दुर्घटनाका सम्बन्धमा अनुसन्धान सुरु गरेकाे जनाएकाे छ ।
