साँकेतिक तस्बिर
गोरखा । गोरखामा अवैद्य हतियारसहित प्रहरीले १ जनालाई पक्राउ गरेको छ ।
पक्राउ पर्नेमा आरुघाट गाउँपालिका–२, मान्वुस्थित मान्बवेशीबाट सोही ठाँउका ३६ बर्षका बाबुराम बोगटी भएकाे गाेरखा प्रहरीले पुष्टी गरेकाे हाे ।
पक्राउ परेका बोगटीको साथबाट १ थान भरुवा बन्दुक र बारुदका छर्रा बरामद् गरिएको जिल्ला प्रहरी कार्यालय गोरखाका सूचना अधिकारी एवं प्रहरी नायव उपरीक्षक (डिएसपी) राजकुमार श्रेष्ठले बताए ।
इलाका प्रहरी कार्यालय आरुघाट खटिएको प्रहरीको टोलीले उनलाई नियन्त्रणमा लिएको डिएसपी श्रेष्ठले जानकारी दिएका छन् ।
प्रहरीले पक्राउ परेका बोटेविरुद्ध हातहतियार तथा खरखजना सम्बन्धी कसूरमा मुद्दा दर्ता गरेर गोरखा जिल्ला अदालतबाट ७ दिनको म्याद थप गरेर अनुसन्धान अगाडि बढाइएको प्रहरीले जनाएको छ ।