तस्बिरमा कालाे गाेलाे धेरा भित्र देखिएकाे ड्रोन
गोरखा । उत्तरी गोरखाको पाङसिङ गाउँमा आज डढेलो सम्वन्धी सचेतना कार्यक्रम सम्पन्न भएको छ ।
चुमनुब्री गाउँपालिकाको आयोजना तथा मनास्लु संरक्षण क्षेत्र आयोजनाको समन्वयमा बिहीबार डढेलो नियन्त्रण सम्बन्धी सचेतना कार्यक्रम गरिएको पालिका अध्यक्ष निमा लामाले बताए ।
उनका अनुसार जलवायु परिवर्तन न्युनीकरण र जैविक विविधिता संरक्षणको लागि पाङसिङ गाउँमा डढेलो नियन्त्रण सम्वन्धी सचेतना कार्यक्रमको आयोजना गरिएको हो ।
उत्तरी गोरखाको उक्त गाउँ झण्डै २०० घर रहेको छ र गाउँमा बसोबास गर्ने अधिकांसले भेडा पालन गर्ने भेडी गोठ रहेको तथा डढेलोको उच्च जोखिम क्षेत्र पनि भएको अध्यक्ष लामाले जानकारी दिए ।
बिहीबार एक दिने सचेतना कार्यक्रममा गाउँका अधिकांसको सहभागिता रहेको पालिकाका प्रमुख प्रशासकिय अधिर्कत मनोज लामिछानेले जानकारी दिए ।
आमा समूह, बन ब्यवस्थापन समितिका सदस्यहरु तथा बडा समिति र सर्व साधारणले सहभागिता जनाएको सचेतना कार्यक्रममा पालिका अध्यक्ष लामा, अधिकृत लामिछाने र मनास्लु संरक्षण अधिकृत भुवन राज ओझाले सहजिकरण गरेका थिए ।
सोही अवसरमा मनास्लु संरक्षण क्षेत्र आयोजनाको कार्यालयले डढेलो नियन्त्रण तथा अनुगमनका लागि प्रयोग गर्न खरिद गरेको ड्रोनको समेत परिक्षण उडान गरिएको संरक्षण अधिकृत ओझाले जानकारी दिए ।