गोरखा । आज परेकाे चैते दसैँकाे अवसरमा गोरखाको प्रसिद्ध धार्मिक तथा ऐतिहासिक महत्वको गोरखकाली र गाेरखनाथ मन्दिरमा दर्शनार्थीको घुइँचो लागेको छ ।
मन्दिरमा जिल्ला भित्र र बाहिरबाट आएका भक्तजनले दर्शन र पूजाका लागि बिहानैदेखि घुइँचाे लागेकाे गोरखा दरबार हेरचाह अड्डाका प्रमुख विष्णुप्रसाद पाठकले बताए ।
उनका अनुसार आज एकै दिनमा मन्दिरमा २ हजार भन्दाबढी भक्तजनहरुले दर्शन गर्ने अनुमान छ ।
मन्दिरमा पूजाआजा र दर्शनका लागि गोरखासहित देशकाे विभिन्न जिल्लाबाट भक्तजन आएकाे मन्दिरका मूलपूजारी शारदाप्रसाद भट्टराईले बताए ।
चैत्राष्टमी र चैतेदसैँमा कालिका मन्दिरमा विशेष पूजाआजा हुने गर्दछ । कालिका मन्दिरमा बोका, राँगा, कुखुरालगायतका बलि चढाउने परम्परा समेत रही आएकाे छ ।
कालिका मन्दिरसँंगै रहेको प्रसिद्ध गोरखनाथ मन्दिर नाथ सम्प्रदायका सिद्धयोगीको रूपमा लिइन्छ ।
गोरखाको अर्को प्रशिद्ध मन्दिर मनकामना मन्दिरमा पनि हिजाे र आज श्रदालु भक्तजनको घुईचो लागेको मुल पुजारी ईन्सान बहादुर थापाले बताए ।
