गोरखा । गोरखा क्षेत्र नम्बर १ का प्रतिनिधिसभाका सांसद सुधन गुरुङ गृहमन्त्री भएका छन् । राष्ट्रिय स्वतन्त्र पार्टी (रास्वपा) ले सांसद गुरुङलाई गृहमन्त्रीको जिम्मेवारी दिएको हाे ।
उनले शुत्रबार नै राष्ट्रपति रामचन्द्र पौडलबाट पद तथा गोपनियताको सपथ ग्रहण गरेका छन् ।
फागुन २१ गते सम्पन्न भएको निर्वाचनमा गोरखा क्षेत्र नम्बर १ बाट गुरुङले नेपाली कांग्रेसका प्रेमकुमार खत्रीलाई पराजित गरेका थिए । गुरुङले २९ हजार ८९६ मत प्राप्त गरेर विजयी भएका थिए ।
उनका निकटत प्रतिस्पर्धी कांग्रेसका खत्रीले १५ हजार ३९८ मत प्राप्त भएका थिए ।
जेनजी आन्दोलनबाट उदाउनु भएका नवनियुक्त गृहमन्त्री गुरुङ हामी नेपाल नामक संस्थाको अध्यक्ष समेत हुन । गोरखाको चुमनुबी गाउँपालिका स्थायी घर भएका गुरुङ भर्खरै मात्र रास्वपाबाट निर्वाचनमा हाेमिएका थिए ।