साँकेतिक तस्बिर

गोरखा । गोरखामा वन डढेलो सप्ताह अन्तर्गत डिभिजन वन कार्यालय गोरखाले सचेतनामूलक कार्यक्रमसहित विभिन्न कार्यक्रम सञ्चालन गरेको छ ।

हालै देशभर सञ्चालित सप्ताहव्यापी कार्यक्रम अन्तर्गत गोरखामा पनि बन डढेलो रोकथाम, नियन्त्रण र न्युनीकरणका लागि सचेतनामूलक कार्यक्रमहरु सञ्चालन गरिएको डिभिजन बन कार्यालय गोरखाका प्रमुख मदनमोहन शाण्डिल्यले जानकारी दिए ।

कार्यक्रम अन्तर्गत डिभिजन बन कार्यक्रम गोरखा मातहतका ६ वटै सवडिभिजन वन कार्यालयहरु सम्बन्धित क्षेत्रका सामुदायिव वन उपभोक्ता समितिका उपभोक्ताहरुलाई डढेलो लाग्न नदिने उपाय, डढेलो लागेमा नियन्त्रणका उपायका बारेमा अभिमुखीकरण प्रदान गरिएको उनले बताए ।

प्रमुख शण्डिल्यका अनुसार जिल्लाको गोरखा नगरपालिका, पालुङटार नगरपालिका, भीमसेन थापा गाउँपालिका, अजिरकोट गाउँपलिका गण्डकी गाउँपालिकालगायतका पालिकाहरु सरोकारवालाहरुलाई सचेतना कार्यक्रम प्रदान गरिएको हो ।

वन डढेलो सप्ताह अन्तर्गत सञ्चालित कार्यक्रममा सहभागीहरुलाई अग्निरेखा सरसफाइ, नियंत्रित डढेलो अभ्यास सम्बन्धी अभिमुखीकरण प्रदान गरिएको हो । त्यस्तै वन क्षेत्रमा रहेका सुकेका पातपतिङ्र संकलन गरि व्यवस्थापन गर्ने उपायका वारेमा पनि उपभोक्तालाई जानकारी प्रदान गरिएको कार्यालयले जनाएको छ ।

‘‘डढेलो पनि एक प्रकारको विप्द नै हो, प्रमुख शाण्डिल्यले भने, ‘‘सप्ताह अन्तर्गत गर्नुपर्ने जिल्ला स्थित सरोकारवालाहरु विचको अन्तरक्रिया कार्यक्रम पनि रहेको छ त्यसलाई पनि छिट्टै सञ्चालन गर्ने कार्यलयको योजना रहेको छ ।

लेखकबाट थप:

• गाेरखा आउदै गरेकाे र काठमाडाैं जादै गरेकाे बस ठाेकियाे, ५ जना घाईते (नाम सहित)
• बराम समुदायबाट पहिलाे पटक गाेरखाका किरण नेपाल सरकारकाे उप सचिव हुदै
• गोरखाबाट उद्धार गरिएकी गर्भवती महिलालाई राजधानीकाे प्रसुती गृह लगियाे
• उत्तरी गोरखाबाट गर्भवती महिलाकाे हेली मार्फत उद्वार हुदै
• बाढी र पहिरोका कारण देशका प्रमुख राजमार्ग प्रभावित (सूचीसहित)