गोरखा । हालै सम्पन्न प्रतिनिधिसभा निर्वाचनमा उम्मेदवारी दिएका नेपाली कम्युनिष्ट पार्टी गाेरखाका लेखनाथ न्यौपानलेले आफ्नो चुनावी खर्च निर्वाचन आयोगलाई बुझाएका छन् ।
गाेरखा क्षेत्र नम्बर २ बाट उम्मेदवारी दिएका उनले आज निर्वाचन आयोगमा खर्च विवरण पेश गरेका हुन् ।
विवरणअनुसार न्याैपानेले निर्वाचनमा २४ लाख ५ हजार ८२० रुपैयाँ खर्च भएको जनाएकाे छ ।
उनले आयाेगमा बुझाएकाे विवरणमा मनोनयन खर्चतर्फ १० हजार तथा मतदाता नामावली तथा स्टेसनरी व्यवस्थापनमा १ लाख ४२ हजार रुपैयाँ खर्च भएको उल्लेख गरेका छन् ।
त्यस्तैगरी, सवारी साधन भाडामा २ लाख ७५ हजार, सवारी इन्धनमा १ लाख २५ हजार र प्रचारप्रसारतर्फ पर्चा, पम्प्लेट, ब्यानर, ब्याज तथा कार्ड छपाइमा ३ लाख ९१ हजार रुपैयाँ खर्च भएको विवरण सार्वजिन गरिएकाे छ ।
उनले त्यस बाहेक आयोगलाई बुझाएकाे विवरणमा प्रतिनिधि परिचालन तर्फ ७ लाख ७० हजार, छपाइ तथा विद्युतीय प्रचारतर्फ ४ लाख ४८ हजार ७५० रुपैयाँ, कार्यालय सञ्चालनमा १ लाख ९० हजार र विविध शीर्षकमा ५३ हजार ५३० रुपैयाँ खर्च भएकाे जनाइएको छ ।
