गोरखा । गोरखाको गण्डकी गाउँपालिका–८ स्थित तेर्से–कोटगाउँ–लप्सीखोला सडक खण्डमा सडक निर्माणका लागि सवारी आवतजावत अस्थायी रूपमा बन्द गरिएको छ ।
गण्डकी गाउँपालिका–८ अन्तरर्गत पर्ने उक्त सडक खण्डमा सडक ढलान कार्य भइरहेका कारण केही समयका लागि यातायात बन्द गरिएको वडा कार्यालयले जनाएको हो ।
वडाध्यक्ष कोकिल बहादुर पुलामी मगरले तेर्से–कोटगाउँ–लप्सीखोला सडक (वडा गौरव आयोजना) अन्तरर्गत स्तरोन्नति तथा ढलानको काम भइरहेले केही दिनकोलागि बन्द गर्नु परेको बताए ।
सडकको केही भागमा ढलान कार्य गर्नुपर्ने भएकाले निर्माण सम्पन्न नभएसम्मका लागि उक्त सडक खण्डमा कुनै पनि प्रकारको सवारी आवागमन रोकिएको उनल जानकारी दिए ।
उक्त सडक खण्ड आज मंगलबारदेखि लागू हुने गरी सडक बन्द गरिएको छ । निर्माण कार्य सम्पन्न नहुँदासम्म सवारी साधन सञ्चालनमा रोक लगाइएको पनि वडाध्यक्ष मगरले बताए ।
वडा कार्यालयले सडक प्रयोग गर्ने स्थानीयवासी तथा सवारी चालकहरूलाई वैकल्पिक मार्ग प्रयोग गर्न आग्रह गरेको छ । निर्माण कार्य छिटो सम्पन्न गरी सडक पुनः सञ्चालनमा ल्याउने तयारी भइरहेको पनि वडाध्यक्ष मगरले जानकारी दिए ।
