एजेन्सी । इरानले मध्यपूर्वमा रहेका अमेरिकी अड्डाहरूमा आक्रमण गरेपछि अमेरिकाले आफ्ना नागरिकहरूलाई त्यस क्षेत्रका १४ वटा देश छाड्न अपील गरेको छ । अमेरिकी दूतावासले चेतावनी दिँदै तुरुन्तै इराक छाड्न भनेको बीबीसीले जनाएको छ ।
यसअघि हिजो बगदादमा रहेको अमेरिकी दूतावासमा क्षेप्यास्त्र प्रहार भएपछि अमेरिकाले आफ्ना नागरिकलाई इराक छाड्न भनेको थियो ।
इरान समर्थित लडाकु समूहहरूबाट उत्पन्न गम्भीर खतरालाई ध्यानमा राख्दै दूतावासले इराकमा बसिरहेका अमेरिकी नागरिकलाई स्वदेश फर्कन भनेको हो ।
अन्तर्राष्ट्रिय समाचार संस्था रोयटर्सका अनुसार अमेरिकाले हिजो ओमानबाट गैर–आपत्कालीन सरकारी कर्मचारी र सरकारी कर्मचारीका परिवारका सदस्यहरूलाई बाहिरिन आदेश समेत दिएको छ ।