दुर्घटना ग्रस्त मा२क्राे बस
गोरखा । गाेरखाकाे मनकामना दर्शन गरेर फर्किएकाे माईक्राे दुर्घटनाका मृत्तक र घाईतेकाे पहिचान खुलेकाे छ । जिल्ला प्रहरी कार्यालय गाेरखाले दिएकाे जानकारी अनुसार मृत्तक सबै भारतीय पर्यटक भएकाे घाईते मध्य चालक र सहचाक बाहेक ७ जना समेत भारतीय पर्यटक नै भएकाे खुलेकाे हाे ।
शनिबार राती करिब ८ बजेको समयमा शहिदलखन गाउँपालिका–३ बनाैतीस्थित आबुखैरेनी–मनकामना सडकखण्डमा भएको इभी माइक्रो दुर्घटनामा ७ जनाकाे घटना स्थलमा नै ज्यान गएकाे थियाे ।
दुर्घटनामा ज्यान गुमाउनेहरुमा ५८ वर्षीय मुतु कुमार, ५८ वर्षीय अनामलिक, ५९ वर्षीया मिनाक्षी, ५३ वर्षीया सिवगामी, ५७ वर्षीया बिजायल, ५८ वर्षीया मिना र ६० वर्षीया तमिलारशी रहेका छन् ।
रातकाे समयमा टर्चलाईटकाे साहारामा उद्धार गर्दै सुरक्षाकर्मी तथा स्थानियहरु
मृतकहरुको शव परीक्षणका लागि प्रदेश अस्पताल गोरखामा हिजै राती ल्याएकाे छ । उनीहरुकाे आज पाेष्ट मार्टम लगत्तै कानूनी प्रकृया पुरा गरेर शव भारतिय दुतावासकाे राेहवरमा आफन्तलाई जिम्मा लगाइने भएकाे छ ।
दर्घटनामा बा.प्र १–००६ ख ८४३० नम्बरको ईभी माइक्रो सडकबा६ करिरब २०० मिटर लत खाेचमा खसेकाे छ । प्रहरीका अनुसार उक्त सवारी तिव्र गती वा ब्रेक फेल भएका कारण दुर्घटन भएकाे प्रारम्भिक अनुमान गरिएकाे छ । दुर्घटन पूर्व नै माईक्राे चालक भने फाल हालेर बाच्न सफल भएका छन् ।
दुर्घटनामा परेर घाईते भएका ९ जनालाई नै शनिबार राती नै चितवन स्थित पुरानाे मेडिकल कलेज लगेर उपचार भइरहेकाे प्रहरीले जनाएकाे छ । चालककाे भने प्रहरीकाे निगरानीमा उपचार जारी छ ।
दुर्घटनामा लमजुङ सुन्दरबजार नगरपालिका–१ का ४६ वर्षीय चालक पुष्प मल्ल ठकुरी, लमजुङ बेँसीशहर नगरपालिका–३ का २९ वर्षीय सहचालक सन्तोष गुरुङ, भारतका नागरिकहरू ६२ वर्षीया सोरनम, ६५ वर्षीय मंगदा जलम, ७५ वर्षीया सुभाद्रा, ६५ वर्षीया मयाल, ७३ वर्षीया सरोजा, ६५ वर्षीया भाग्यलक्ष्मी र ३४ वर्षीया मिनाक्षी घाइते भएका छन् ।
प्रहरीले घटनाकाे अनुसन्धान सुरु गरेकाे जनाएको छ ।