गोरखा । गोरखाको थालाजुङ मैपतेमा फेला परेकाे शंकास्पद बस्तु नेपाली सेनाले डिस्पाेज गरिदिएकाे छ ।
सिरानचोक गाउँपालिका–२ थालाजुङ मैपतेमा शंकास्पद वस्तु फेला परेको जिल्ला प्रहरी कार्यालय गाेरखाका प्रहरी नायब उपरिक्षक एवं सूचना अधिकारी राजकुमार श्रेष्ठले जानकारी दिए ।
हिजाे शुक्रबार दिउसाे १:५० बजे सडक छेउको रुख नजिकै टेपले बेरेको ब्याट्रीजस्तो देखिने शंकास्पद वस्तु फेला परेको प्रनाउ श्रेष्ठले बताए ।
तत्कालै नेपाली सेनाकाे डिस्पाेजल टाेलीले शुक्रबार दिउसाे ३:३० बजे उक्त बस्तुलाई डिस्पाेज समेत गरेकाे गाेरखा प्रहरीले जानकारी दिएकाे छ ।