प्रतिकात्मक तस्बिर
गोरखा । गोरखा सदरमुकाममा अचेत अवस्थामा फेला परेकाे १ जना युवककाे उपचारकाे क्रममा ज्यान गएकाे छ । कुनै पनि पहिचान खुल्न नसकेका ति युवककाे चितवनमा उपचारकाे क्रममा ज्यान गएकाे हाे ।
ति युवकलाई प्रहरीले नगरपालिका–६ काे हटियाथोकस्थित सडक किनारामा घाइते तथा अचेत अवस्थामा फेला परेका गएकाे शनिबार साँझ पख फेला पारेका थिए ।
साँझ ७ः १५ बजेको समयमा नियमित गस्तीमा खटिएको प्रहरीकाे टोलीले फेला पारेका उक्त व्यक्तिलाई प्रदेश अस्पताल गाेरखामा सामान्य उपचार पछी थप उपचारकाेलागि चितवन लगिएकाे थियाे । उनकाे त्यही उपचारकाे क्रममा ज्यान गएपछी मृत्त शरिरलाई शव गृहमा राखिएकाे गाेरख प्रहरीले जानकारी दिएकाे छ ।
बाटोमा लडिरहेको अवस्थामा फेला पारेका ति युवक अन्दाजी ३५ वर्ष जतिको देखिने र उनको टाउकोमा गम्भीर चोट लागेको अवस्थामा सडक किनारामा फेला परेकाे प्रहरीले जनाएकाे छ ।
प्रहरीका अनुसार मृतकको वर्ण गहुँगोरो, उचाई करिब ५ फिट ४ इन्च, अनुहार मंगोलियन प्रकारको रहेको छ । घटनाका बेला उनले हरियो रंगको हुड भएको ज्याकेट, कालो टि–सर्ट र कालो पाइन्ट लगाएका थिए । उनी ज्यामी मजदुरी पेशा गर्ने व्यक्ति जस्तो देखिएको प्रहरीको भनाइ छ ।
गाेरखा प्रहरीले मृतक लमजुङ जिल्लाबाट मजदुरी गर्न गोरखा आएको हुनसक्ने अनुमान गरिएको छ । जिल्ला प्रहरी कार्यालय गोरखाले उक्त हुलिया तथा सार्वजनिक गरिएको फोटोमा देखिएको व्यक्ति आ–आफ्नो वडा क्षेत्रको बासिन्दा वा आफन्त नातागोता पर्ने भएमा तत्काल सम्पर्क गर्न अनुरोध गरेको छ ।
घटनाबारे थप अनुसन्धान भइरहेको गाेरखा प्रहरीले जनाएको छ ।