गोरखा । गोरखा जिल्लाको उत्कृष्ट सामुदायिक रेडियो, रेडियो मनास्लु १०३.९ मेगाहर्जलाई नेपाली सेनाले सम्मानीत भएकाे छ । नेपाली सेनाले आफ्नो २६३ औँ स्थापना दिवसको अवसमा आयाेजित वार्षिकोत्सवको अवसरमा देशभरमा रहेका रेडियोहरु मध्येबाट गाेरखाकाे रेडियाे मनास्लुलाई सम्मान गरेकाे हाे ।
जिल्ला सदरमुकामकाे आहाले बजार विगत १४ बर्षदेखि स्टेशन खडा गरेर रेडियोले अविच्छन रुपमा नेपाली सैनिक कार्यक्रम प्रशारण गर्दै आएकोमा सेनाले रेडियोलाई कदरपत्रसहित सम्मान गरेको स्टेशन म्यानेजर दिपक श्रेष्ठले बताए ।
प्रधानसेनापति महारथी असोकराज सिग्देलले शिवरात्री पर्वको अवसरमा काठमाडौंको टुडिखेडमा आइतबार आयोजित एक कार्यक्रमका बिच कदरपत्र रेडियोका व्यवस्थापक अमृत बिकलाई हस्तान्तरण गरेकाे रेडियो मनास्लुले जनाएकाे छ ।
रेडियो मनास्लुलाई प्रदान गरिएको उक्त कदरपत्रमा लामो समयदेखि निशुल्क रुपमा नेपाली सैनिक रेडियो कार्यक्रम प्रशारण गरेर राष्ट्रिय स्तरको योगदान र नेपाली सेनासँगको अविच्छन सहकार्यको कदर गरिएको उल्लेख छ ।
रेडियो मनासलुले स्थापनाकालदेखि नै नेपाली सेनाका कार्यक्रमहरूलाई नियमित प्रसारण गर्दै नागरिक र सैनिकबीचको समन्वयमा महत्वपूर्ण भूमिका निर्वाह गर्दै आएको छ ।
नेपाली सेनाले देशभरका रेडियोहरु छनौट गरेर प्रदान गरिएको यो कदर पत्रले रेडियो मनास्लुको प्रभाव र पहुँच प्रसंसा गरेको छ ।
रेडियाेले बिगत १८ वर्षभन्दा बढी समयदेखि गोरखा र आसपासका लाखौं श्रोताहरूलाई समाचार, सूचना, मनोरञ्जन र विकासका गतिविधिहरू सम्प्रेषण गर्दै आएको छ ।
सेनाले रेडियाे मनास्लु संगै स्याङजाकाे सामुदायिक रेडियाे स्याङजा एफएम ८९.६ लाई समेत उक्त कार्यक्रममा सम्मान गरेको थियाे । सेनाले देशैभरबाट हिजाे २ वटा रेडियाेलाई मात्र सम्मान गरेकाे हाे ।