गाेरखा । आगामी फागुन २१ गते हुने प्रतिनिधिसभा सदस्य निर्वाचनका लागि निर्वाचन आयोगले छापेर जिल्ला पठाएकाे मतपत्रको नमूना सार्वजनिक गरिएको छ । आयोगले गाेरखा पठाएकाे दुवै क्षेत्रकाे मतपत्रको नमूना सार्वजनिक गरिएको हो ।
आयाेगले जिल्लामा पठाएकाे मतपत्र उम्मेदवारको सङ्ख्याका आधारमा पनि मतपत्रको नमूना तयार पारिएको छ । उम्मेदवार धेरै भएका निर्वाचन क्षेत्रका मतपत्रको आकार तुलनात्मक रूपमा ठूलो र कम उम्मेदवार भएका निर्वाचन क्षेत्रमा सानो मतपत्र छापेर पठाएको छ ।
जिल्ला निर्वाचन कार्यालय गाेरखाका सूचना अधिकारी रबिलाल सुवेदीका अनुसार गाेरखा क्षेत्र नम्बर १ काे लागि १२ वटा चुनाव चिन्ह भएकाे मतपत्र र क्षेत्र नम्बर २ काे लागि १० वटा चुनाव चिन्ह भएकाे मतपत्र रहेका छन् ।
उनका अनुसार निर्वाचन आयाेगबाट केही दिन अगाडी मात्र प्राप्त उक्क मतपत्र रुजु गरेर पठाएकाेले केही दिन भित्रै छापिएर गाेरखा आउने पनि उनले जानकारी दिए ।
जिल्ला निर्वाचन कार्यालयका अनुसार गाेरखा जिल्लामा आसन्न निर्वाचनकाेलागि कुल २ लाख २९ हजार ५८ जना बालिकले मतदान गर्न याेग्य देखिएकाे छ । जस अन्तरर्गत क्षेत्र नम्बर १ मा १ लाख २० हजार ५२५ जना र क्षेत्र नम्बर २ मा १ लाख ८ हजार ५३३ जना रहेका छन् ।