गोरखा । आगामी फागुन २१ हुने प्रतिनिधिसभा सदस्य निर्वाचनका लागि चुनावमा सहभागी दल र उम्मेदवारले छुट्टै बैंक खाता खोल्नुपर्ने व्यवस्था छ । जिल्लामा प्रतिनिधिसभा सदस्य निर्वाचनमा सहभागी भएका २५ जना उम्मेदवारमध्ये आइतबारसम्म ३ जनाले मात्र निर्वाचन खर्चका लागि नयाँ बैंक खाता खोलेका छन् ।
निर्वाचन आचारसंहिता २०८२ को दफा १६ मा उम्मेदवारले निर्वाचनसम्बन्धी सम्पूर्ण खर्च गर्न अनिवार्य रूपमा नयाँ बैंक खाता खोल्नुपर्ने व्यवस्था गरिएको छ । प्रतिनिधिसभा सदस्य निर्वाचनलाई लक्षित गर्दै राजनीतिक दल तथा उम्मेदवारको छुट्टै बैंक खाता खोल्ने व्यवस्था उल्लेख छ । जिल्लामा ११ वटा दलका २३ जना र ३ स्वतन्त्र सहित २५ जना उम्मेदवार रहेका छन् ।
तर हालसम्म ३ जनाले मात्र बैंक खाता खोल्नकाालगि कार्यालयबाट सिफारीस लिएको जिल्ला निर्वाचन कार्यालय गोरखाका सूचना अधिकारी रविलाल सुवेदीले जानकारी दिए । बैंक खाता खोल्नकालागि आइतबारसम्म नेपाली कम्यूनिष्ट पार्टीका क्षेत्र नम्बर १ र २ का क्रमश. हरीराज अधिकारी र लेखनाथ न्यौपाने तथा राष्ट्रिय स्वतन्त्र पार्टी (रास्वपा) का क्षेत्र नम्बर २ का उम्मेदवार कबिन्द्र बुर्लाकोटीले मात्र सिफारीस लिएका छन् ।
निर्वाचन आचारसंहिता २०८२ को दफा १६ मा उम्मेदवारले अनिवार्य रूपमा नयाँ बैंक खाता खोल्नुपर्ने व्यवस्था गरिएको छ ।
जिल्लामा खाता नखोल्ने २२ जना उम्मेदवारलाई पत्राचार गरिसकिएको निर्वाचन कार्यालले जनाएको छ । खाता नखोल्ने तथा आचारसंहिता अटेर गर्ने उम्मेदवारहरूले पत्राचारपछि पनि अटेर गरेमा ती उम्मेदवारलाई कारबाहीका लागि निर्वाचन आयोगमा सिफारिस गरिने कार्यालयले जानकारी दिएको छ ।
