गाेरखा । आगामी फागुन २१ गते हुने प्रतिनिधिसभा सदस्य निर्वाचनका गण्डकी प्रदेशमा कुल १८ लाख ७० हजार ६५ मतदाता कायम भएका छन् । जसमा महिला मतदाताको सङ्ख्या मात्रै ९ लाख ५५ हजार ५१६ छ भने पुरुषको मतदाताको सङ्ख्या ९ लाख १४ हजार ५३५ रहेको छ ।
प्रदेशभरीमा पुरुष मतदाताभन्दा महिला मतदाताको सङ्ख्या ४० हजार ९८१ ले बढी रहेको प्रदेश निर्वाचन कार्यालय, पोखराले जनाएको छ ।
जिल्लागत रूपमा गोरखाबाहेक प्रदेशका १० वटै जिल्लामा महिला मतदाताको सङ्ख्या बढी रहेको कार्यालयका सूचना अधिकारी रुद्रप्रसाद न्यौपानेले बताए ।
गोरखामा १ लाख १४ हजार ८३७ पुरुष र १ लाख १४ हजार २२० महिला मतदाता कायम भएका छन् ।
त्यस्तै मनाङमा ३ हजार ३७७ पुरुष र ३ हजार ६२३ महिला मतदाता छन् । उता लमजुङमा ६७ हजार ६०० पुरुष र ६९ हजार ५२४ महिला छन् भने कास्कीमा १ लाख ४८ हजार ५१५ पुरुष र १ लाख ६० हजार ११५ महिला मतदाता छन् ।
यस्तै तनहुँमा १ लाख २३ हजार ४९१ पुरुष र १ लाख ३० हजार ९०६ महिला, स्याङ्जामा १ लाख २२ हजार ४६४ पुरुष र १ लाख २६ हजार ३५१ म्हिला मतदाता रहेका छन् ।
नवलपुरमा पुरुष मतदाताको सङ्ख्या १ लाख २९ हजार ५४ छ भने महिला मतदाताको सङ्ख्या १ लाख ३९ हजार ४६८ छ । मुस्ताङमा ५ हजार ५५९ पुरुष मतदाता, महिला ५ हजार ७६८, म्याग्दीमा ४२ हजार ३०२ पुरुष र ४४ हजार ६४ महिला मतदाता रहेका छन् ।
बागलुङमा ९४ हजार ८०६ पुरुष मतदाता छनभने महिला मतदाताको सङ्ख्या ९८ हजार ५७४ रहेको छ ।
पर्वतमा ६२ हजार ६०० पुरुष र ६२ हजार ८६५ महिला मतदाता कायम भएका छन् । महिला र पुरुषबाहेक अन्य मतदाताको सङ्ख्या १४ रहेको छ ।
सबैभन्दा बढी कास्कीमा ३ लाख ८ हजार ५७२ मतदाता रहेका छन् । सबैभन्दा कम मनाङमा मतदाता सङ्ख्या जम्मा ७ हजार छ ।
निर्वाचनका लागि प्रदेशका ११ वटै जिल्लामा १ हजार २९७ मतदानस्थल र २ हजार ३९६ मतदान केन्द्र कायम गरिएको प्रदेश निर्वाचन कार्यालयले जनाएको छ ।
जसमध्य गोरखामा २२५, स्याङ्जामा १९९, कास्कीमा १५३, तनहुँमा १४४, लमजुङमा १३०, नवलपुरमा ११४, बागलुङमा १०७, म्याग्दीमा ८२, पर्वतमा ७६, मुस्ताङमा ३९ र मनाङमा २८ मतदानस्थल रहेका छन् ।