गोरखा । नेपाल जेसिज गोरखाको पदहस्तान्तरण कार्यक्रम सम्पन्न भएको छ । गोरखा सदरमुकाममा भएको कार्यक्रममा सन २०२५ का अध्यक्ष सुमन गुरुङले नव नियुक्त अध्यक्ष सुजित श्रेष्ठलाई पदस्थापन गराएको हो ।
पदस्थापन संगै भएको पद हस्तान्तरण कार्यक्रममा जेसिज गोरखाका सन २०२५ का अध्यक्ष गुरुङले सन २०२६ का अध्यक्ष श्रेष्ठलाई चेन हस्तान्तरण गरेका थिए ।
पद हस्तान्तरण लगत्तै अध्यक्ष श्रेष्ठले कानूनी सल्लाहकारमा दिनेश दानी, महासचिवमा बुद्वि जोगी र कोषाध्यक्षमा विपिन पोख्रेललाई चयन गरेको छ । यो सहित गोरखा जेसिजमा २७ सदस्यीय बोर्ड निर्माण भएको छ ।
कार्यक्रममा प्रमुख अतिथी रहेका गोरखा नगरपालिका प्रमुख कृण्णबहादुर राना मगरले विगतमा जस्तै अब पनि सामाजिक काममा गोरखा जेसिज संग सहकार्य गर्दै अगाडी बढने प्रतिबद्वता ब्यत्त गरेका थिए ।
कार्यक्रममा नेपाल जेसिज एरिया ‘बि’ २०२६ का कार्यकारी उपाध्यक्ष आरोग्य श्रेष्ठ, सन २०१४ का सुनवल जेसिजका अध्यक्ष रमेश कर्माचार्य, हालका पोखरा जेसिजका अध्यक्ष सुमन पहारी, गोरेटो गोरखाका कार्यकारी प्रमुख पवनरमण खनाल समेतको उपस्थिती रहेको थियो ।