गोरखा । गोरखामा बिषालु च्याउ खादा एकै परिवारका ४ जना बिरामी परेका छन् । परालको टौवामा उम्रिएको च्याउको तरकारी खाँदा एउटै परिवारका ४ जना बिरामी परेकाे जिल्ला प्रहरी कार्यालय गाेरखाका प्रहरी प्रमुख प्रहरी उपरिक्षक भरतबहादुर बिकले जानकारी दिए ।
बिरामी पर्नेहरुमाे मकवानपुर जिल्ला बागमती नगरपालिका–१३, घर भई हाल गोरखा नगरपालिका–१४, स्थित प्युघरमा डेरा गरी बस्दै आएकी ३० वर्षीया हिरा पहरीको परिवार भएकाे प्रउ बिकले बताए ।
सोमबार साँझ घर नजिकै रहेको परालको थुप्रो (टौवा) मा उम्रेको जंगली च्याउ टिपेर तरकारी खाएपछि आमा हिरा पहरीसहित १२ वर्षीय छोरा किसान पहरी, ६ वर्षीय छोरा हिमाल पहरी र ५ वर्षीया छोरी सुजिता पहरी बिरामी परेकाे उनले बताए ।
च्याउ खाएलगत्तै पेट दुख्ने, वाकवाकी लाग्ने र अत्याधिक थकान जस्ता लक्षण देखिएपछि तत्काल सवैलाई उपचारका लागि तनहुँको आबुखैरेनी गाउँपालिका अस्पताल पुर्याएको थियाे । उनीहरुकाे अहिले पनि सोही अस्पतालमा उपचार भइरहेको गाेरखा प्रहरीले जानकारी दिएकाे छ ।
बिरामी सवै बोल्न सक्ने अवस्थामा रहेकाे र घटनाको थप अनुसन्धान अघि बढाइएको प्रहरीले जनाएको छ ।
