गोरखा । गोरखा नगरपालिका–१३ को अबुवा क्षेत्रमा हिजाे राति मिनि ट्रक दुर्घटना भएको छ । ट्रक दरौदी खोलामा खसेको छ ।
दुर्घटनामा प्रहरीले शहिदलखन गाउँपालिका–१ लुदिखोला बस्ने वर्ष २१ का कुशल बिकलाई गंभिर अवस्थामा उद्वार गरेको जिल्ला प्रहरी कार्यायल गोरखाले जानकारी दिएको हो ।
बिकलाई उपचारकोलागि आँबुखैरेनी तर्फ पठाइएको छ ।
सोमबार राती ८ः४० बजेको समयमा कर्मसिं गाउँमा ग. १ क २५३७ नम्बरको मिनि ट्रक फर्काउने क्रममा दुर्घटना हुदा सडकबाट ५०० मिटर तल दरौदी नदीमा खसेको थियो ।
यता प्रहरीले मिनि ट्रकका चालक भएको आशंकामा १ जनालाई पक्राउ गरेर सोधपुछ गरी रहेको छ ।