गोरखा । गोरखा सदरमुकाममा आज दिउसो मानब कंकाल फेला परेको छ । गोरखा नगरपालिका–५ को लसुने जंगलमा कंकाल फेला परेको जिल्ला प्रहरी कार्यालय गोरखाका प्रहरी प्रमुख प्रहरी उपरिक्षक भरतबहादुर बिकले जानकारी दिए ।
उनका अनुसार उक्त कंकाल गोरखाकै बारपाक सुलिकोट गाउँपालिका–४ सौरपानीका अन्दाजी ४५ बर्षका टंकबहादुर गुरुङको हो ।
कंकालको साथबाट उनले प्रयोग गर्ने गरेको मोबाइल समेत प्रहरीले फेला पारेको छ ।
आज दिउसो स्थनियहरु उक्त जंगलमा दाउरा संकलन गर्न गएको बेला मानव कंकाल देखेपछी प्रहरीलाई खबर गरेको पनि प्रहरी प्रमुख प्रउ बिकले बताए ।
गुरुङ गएको साउन महिनादेखी सम्र्पक बिहीन भएका थिए । कंकाल फेला परे लगत्तै उनका आफन्तहरु समेत सम्र्पकमा आएको गोरखा प्रहरीले जानकारी दिएको छ ।
उक्त कंकाल अहिले गोरखा अस्पतालको शव गृहमा राखिएको छ ।