गोरखा । गैर सरकारी संस्था कोशिस नेपाल र जिल्लामा क्रियाशिल सञ्चारकर्मीहरु बिच आए अन्तरक्रिया कार्यक्रम सम्पन्न भएको छ ।
कोशिसको आयोजनामा सदरमुकाममा आत्महत्या रोकथामका लागि मिडियाँ संग अन्तरक्रिया कार्यक्रम सम्पन्न भएको हो ।
कार्यक्रममा कोशिसका बरिष्ठ सामुदायिक अभियानकर्ता बिपिन घिमिरेले सञ्चारकर्मीहरु संग आत्महत्या रोकथामकालागि गनुपर्ने बिषयमा जानकारी गराएका थिए । उनले सामाजमा हुने आत्महत्या समाचार प्रभावका कारणले पनि हुने भएकोले सञ्चारकर्मीहरुले समाचार लेख्दा आत्महत्या गर्न प्रेरित हुने गरी समाचार नलेखिदिन आग्रह समेत गरे ।
उनले आत्महत्या गर्नेहरुको बिश्लेष्ण गर्दा गोरखा जिल्लामा गोरखा र पालुङटार नगरपालिका अग्र स्थानमा रहेको जानकारी दिदै सञ्चारकर्मीहरुले आत्महत्या दुरुत्साहनका लागि कलम चलाई दिन आग्रह पनि गरे ।
संस्थाले जोखिम देखिएका बिद्यालय क्षेत्र पहिचान गरेर ‘सेफ स्पेश’ नामक अभियान चलाएको र आत्महत्या गरेका परिवारमा आय आर्जनमा समस्या भएकाहरुको पहिचान गरेर शिप मुलक कामको लागि लगानी गर्न रकम समेत बिनियोजन गरेको जनाएको छ ।
‘आत्महत्या रोकथाम बारे संबाद सुरु गरौं, दृष्टिकोण बदलौ’ भन्ने नारा लिएको कोशिसले जिल्लाको गोरखा र पालुङटार नगरपालिका तथा सिरानचोक गाउँपालिकामा आत्महत्या रोकथामका लागि कार्यक्रमहरु सञ्चालन गर्दै आएको छ ।