गाेरखा । शहिद लखन गाउँपालिका–४ राईनास स्थित भिरबाट खसेका १ जना पुरुषको सशस्त्र प्रहरी बलले उद्धार गरेको छ । साेही स्थानमा बस्ने ५१ बर्षे दिपक तिवारी सशस्त्र प्रहरीले त्रिशुली नदीबाट उद्धार गरेकाे सशस्त्र प्रहरी बल नेपालका सशस्त्र प्रहरी नायव उपरिक्षक एवं सह-प्रबक्ता शैलेन्द्र थापाले बताए ।
तिवारी राईनास स्थित भिरबाट लडेर अन्दाजी ५० मिटर तल त्रिशुली नदीमा खसेका थिए । सशस्त्र प्रहरी बल नेपाल विपद् व्यवस्थापन तालिम शिक्षालय कुरिनटारमा संचालन भइरहेको विपद् व्यवस्थापन तालिम प्रशिक्षार्थीहरुले रिभर रन अभ्यासको क्रममा तिवारी नदीमा खसेको देख्नासाथ उद्धार गरेका थिए ।
सशस्त्र प्रहरी निरीक्षक प्रेम बहादुर तामाङ्गको कमाण्डमा खटिएको गोताखोरसतिको टोलीले पानी भित्रबाट बेहोस अवस्थामा उद्धार गरेर सशस्त्र प्रहरी बल नेपाल ट्रमा सेन्टर कुरिनटारमा लगी आवश्यक उपचार पश्चात डिस्चार्ज गरिएको पनि सह-प्रबक्ता थापाले जानकारी दिए ।