गोरखा । उत्तरी गोरखाको ल्होमा रहेको एक होस्टलमा आगलागी भएको छ ।
आगलागीबाट ५० वटा कोठामा क्षती भएको जिल्ला प्रहरी कार्यालय गोरखाका प्रहरी प्रमुख प्रहरी उपरिक्षक भरतबहादुर बिकले जानकारी दिए ।
उनका अनुसार आइताबार दिउसो १ः४५ बजेको समयमा चुमनुब्री गाउँपालिका–२ स्थित ल्होमा रहेको रिबम बौद्व गुम्बा कम्पाउण्डमा रहेको होस्टलमा आगलागी भएको हो ।
वडाध्यक्ष मिङग्यूर दोर्जे लामा अनुसार आगलागीको कारण अहिलेसम्म पत्ता लाग्न सकेको छैन ।
आगलागीबाट ४ तले भवनको ५० कोठा पूर्ण रुपमा क्षती पुगेको छ । लामा भाषा अध्ययनकालागी उक्त होस्टलमा गुरु सहित ६० जना बस्दै आएका थिए ।
क्षतीको विवरण संकलन भई रहेको ले के कती क्षती भएको भन्ने बारे पूर्ण विवरण आउन केही समय लाग्ने प्रउ बिकले बताए ।
तस्बिर : जिल्ला प्रहरी कार्यालय गाेरखा