राजु लामा-दोहा कतार । गोरखा सेवा समाज कतारले आफ्नो स्थापना दिवस मनाउने तयारी गरेको छ । समाजले स्थापना दिवस भब्य रुपमा मनाउने गरी तयारी गरेको अध्यक्ष बिकास श्रेष्ठले बताए ।
समाजले आफ्नो २३औं स्थापना दिवस मनाउन नेपालबाट कलाकारहरु समेत झिकाउने भएको छ । त्यस बाहेक पनि कतारमा नै रहेको कलाकारहरुले स्थापना दिवसमा प्रस्तुती दिने तयारी गरेको महासचिव रुद्र भट्टले जानकारी दिए ।
१८ डिसेम्बर अर्थात पौष ३ गते परेको स्थापना दिवसकोलागी समाजले कलाकारहरु रश्मी सेन्चुरी, गुना मगर (निशु), पुकार थापा, संगित बिसी, सानुमाया गुरुङ, सलिना सिंह ठकुरी, प्रिया लामा, सरिता बान्तवा राई र स्रिष्टी राईले प्रस्तुती दिने कार्यक्रम तय भएको छ ।
दोहाका फुलबारी रेष्टुरेन्टमा हुन लागेको उक्त कार्यक्रममा गोरखा जिल्लाबाट आएर रोजगारी गरेका तथा समस्त नेपालीहरुलाई सहभागिता जनाउन आग्रह गरिएको छ ।
गोरखा सेवा समाज कतार गोरखा जिल्लाबाट रोजगारीकोलागी कतार आएर बसेका नेपालीहरुको साँझा संस्था हो । संस्थाले बर्षेनी सामाजिक सेवाको कार्यहरु गर्दै आएको छ ।
