गाेरखा । नेपाल प्रिमियर लिग (एनपीएल) क्रिकेटमा हिजाे भएकाे दाेस्राे खेलमा विराटनगर किङ्ग्सले कर्णाली याक्स ३ विकेटको रोमाञ्चक जीत हासिल गरेको छ । कर्णालीले दिएको १६१ रनको लक्ष्य पछ्याएको विराटनगरले १९ ओभर ५ बलमा ७ विकेट गुमाएर भेटाएकाे हाे ।

विराटनगरका बसिर अहमदले अविजित ६२ रन बनाए । यस्तै नारायण जोशीले २५ रन बनाए । कर्णालीका सोमपाल कामी र गुलशन झाले समान २, पवन सर्फ, विलियम वोसिस्टो र नन्दन यादवले समान १-१ विकेट लिएका थिए ।

त्यसअघि कीर्तिपुरको त्रिवि क्रिकेट मैदानमा टस जितेर ब्याटिङ गरेको कर्णालीले २० ओभरमा ३ विकेट गुमाएर १६० रन बनाएकाे थियाे । कर्णालीका प्रियांक पाञ्चालले ४७ बलमा ६३ रन, विलियम बोसिस्टोले ४८ बलमा नटआउट ४८ रन बनाए । विराटनगरका कप्तान सन्दीप लामिछाने र मर्चेन्ट डे लाङ्गेले समान १-१ विकेट लिए ।

यो जीतसँगै एनपीएल तालिकामा विराटनगर ५ खेलमा ८ अङ्कसहित दोस्रो र कर्णाली ४ खेलमा २ अङ्कसहित पाँचौ स्थानमा यथावत् छ ।

लेखकबाट थप:

• सुन ताेलामा ४८ सयले घट्याे
• आज कुशे औँसी
• नेपाल राष्ट्र बैंकले शुक्रबारकाे लागि निर्धारण गरेकाे विदेशी मुद्राको विनिमयदर
• चितवनमा इभी कारमा आगलागी, चालकको मृत्यु, पहिचान हुन सकेन
• आजकाे माैसम : देशभर मनसुनी वायुको प्रभाव कायमै, केही स्थानमा भारी वर्षाको सम्भावना