गाेरखा । दोश्रो संस्करणको नेपाल प्रिमियर लिग (एनपीएल) क्रिकेटमा हिजाे भएकाे दाेस्राे खेलमा पोखरा एभेन्जर्सले पहिलो जीत निकालेको छ । खेलमा पोखराले जनकपुर बोल्ट्सलाई २५ रनले हराएको हो ।
पोखराले दिएको १५६ रनको लक्ष्य पछ्याएको जनकपुर २० ओभरमा ९ विकेट गुमाएर १३० रन मा समेटिएकाे थियाे ।
जनकपुरका वेन पाेर्नेलले ५० रन बनाएर रिटायर्ड आउट भए । यस्तै सञ्जय कृष्णिमूर्तिले २५ रन बनाए । पोखराका बिपिन खत्रीले ४ विकेट लिए । यस्तै सुमित बर्माले २ विकेट लिए ।
त्यसअघि कीर्तिपुरको त्रिवि क्रिकेट मैदानमा टस जितेर ब्याटिङ गरेको पोखराले ६ विकेट गुमाएर १५५ रन बनाएकाे थियाे । पोखराका सुमीत वर्माले नटआउट ५०, दिनेश खरेलले ३८ रन बनाए । जनकपुरका सञ्जय कृष्णमूर्तिले ३ विकेट लिए ।
एनपीएल तालिकामा पुछारमा रहेको पोखराले पहिलो पटक जित्दै २ अङ्क जोडेकाे छ । पाेखरा २ स्थान उक्लिएर छैटाैं स्थानमा छ । लगातार ३ खेलमा हारेको जनकपुर अङ्कविहीन हुँदै तालिकाको पुछारमा झरेको छ ।