साँकेतिक तस्बिर
गोरखा । गोरखाको एक गाउँमा घरबाट निस्केको आधा घण्टामा नै १ जना पुरुष मृत फेला परेका छन् ।
मृत फेला परेका ब्यत्ती बारपाक सुलिकोट गाउँपालिका–४ रनचोकका शेर बहादुर बिक भएको जिल्ला प्रहरी कार्यालय गोरखाका प्रहरी प्रमुख प्रहरी उपरिक्षक भरत बहादुर बिकले बताए ।
उनका अनुसार मृत्तक शेरबहादुर बिहीबार बिहान ९ः३० बजे घरबाट निस्किएका थिए ।
उनको मृत शरिर बिहिबार बिहान १० बजे नै अजिरकोट गाउँपालिका–४ को ढोडेनीमा फेला परेको उनले जानकारी दिए ।
उनको शव बिहिबार नै प्रादेशिक अस्पताल गोरखामा ल्याएर पोष्टमार्टम लगत्तै कानूनी प्रकृया पुरा गरेर आफन्तलाई बुझाएको गोरखा प्रहरीले जानकारी दिएको छ ।
घटनाका बारेमा प्रहरी अनुसन्धान सुरु गरेको जनाएको छ ।
