गाेरखा । नेपाल प्रिमियर लिग (एनपीएल) क्रिकेटमा आज २ वटा खेल हुँदै छ । पहिलो खेल बिहान ११:४५ बजे जनकपुर बोल्ट्स र विराटनगर किंग्सबीच हुनेछ भने दोस्रो खेल दिउँसो ४ बजे सुदूरपश्चिम रोयल्स र कर्णाली याक्सबीच हुनेछ ।
चारै टोली पहिलो पटक एक–आपसमा खेल्न लागेका हुन् । यो सिजनमा १ खेल गुमाइसकेको जनकपुरको यो दोस्रो खेल हो ।
उद्घाटन खेलमा जनकपुर काठमाण्डु गोर्खाजसँग पराजित भएको थियो । विपक्षी टोली विराटनगर भने आज उत्कृष्ट लयमा छ । उसले यसअघि पोखरा र काठमाण्डु दुवैलाई पराजित गरिसकेको छ ।
यस्तै दोस्रो खेलमा कर्णालीले अहिलेसम्म खेलेका २ खेलमध्ये १ मा जित निकालेको छ । सुदूरपश्चिम भने लगातार ३ खेलमा जित निकाल्ने लक्ष्यमा छ । यसअघि सुदूरपश्चिमले काठमाण्डु र पोखरालाई हराइसकेको छ भने कर्णालीले लुम्बिनीलाई पराजित गरेको छ ।